Klara Novikova: “Azərbaycan tamaşaçısından qorxuram”

Rusiyanın xalq artisti Klara Novikova şəhərimizin qonağı olub. Bir-birinin ardınca komik monoloqlar söyləyən sənətçinin konserti Azərbaycan Dövlət Rus Dram Teatrında reallaşıb. 

   Rusiyanın xalq artisti Klara Novikova şəhərimizin qonağı olub. Bir-birinin ardınca komik monoloqlar söyləyən sənətçinin konserti Azərbaycan Dövlət Rus Dram Teatrında reallaşıb. Xalq artistinin məşhur “Sonya xala” obrazı gurultuyla alqışlanıb. Sənətçinin bəzi sözləri azərbaycanca ifadə etməsi isə gələn qonaqları qəhqəhələrə boğub.
   Bakıya ilk səfərinin 30 il əvvələ təsadüf etdiyini deyən Novikova şəhərimizdəki bir sıra dəyişikliklərə də münasibət bildirərək “Köhnə Bakı”nı daha çox sevdiyini söyləyib. Şəhərimizin publikasından ehtiyat etdiyini bildirən xalq artisti bunu tamaşaçılarımızın seçiciliyi ilə əlaqələndirib. 
    Novikova yeni nəsil komediya ustalarının fəaliyyətindən, ümumiyyətlə yaşlı sənətçilərə münasibətindən də bəhs etməyi unutmayıb. Sənətçi “Comedy club” və bu tip verilişlərə daim dəvət aldığını və bundan çox qürur duyduğunu söyləyib.
    Sənətçi xalq artisti Arkadiy Raykinin onun fəaliyyətinə birbaşa təsirini vurğulamağı da unutmayaraq onun sənətə olan məsuliyyətindən bəhs edib. 
     Qeyd edək ki, hər bir monoloqu ilə gələn qonaqların üzündə gülüş yaradan xalq artistinin özünü də sürpriz gözləyib. Konsertin sonunda teatrın rəhbərliyi bu il 66 yaşı tamam olan Novikovanı böyük tort hədiyyəsi ilə təbrik edib.

 

Sahilə Aslanova
Elfaq Lələyev

 

Muz-Tv.az