Teoman evlənir

Keçən il musiqidən imtina edən və uzun müddət ekranlarda görünməyən məşhur rokçu Teoman sevgilisi Ayşə Kaya ilə evlənmək qərarına gəlib.  

    Keçən il musiqidən imtina edən və uzun müddət ekranlarda görünməyən məşhur rokçu Teoman sevgilisi Ayşə Kaya ilə evlənmək qərarına gəlib. Artıq hazırlıqlara başalayan cütlük nikah tarixini yay aylarına təyin edib. 
Qeyd edək ki, sevgililər 2005-ci ildə Amerikada evləndikləri iddiasıyla gündəmə gəlsə də, daha sonra bu məlumatı yalanlayıb.
    Məşhur müğənni Ledi Qaqa “The Rolling Stones”-un son konsertində qonaq olub. “50 and Counting Tour”-un Nyu Cersidə reallaşan konsertində Qaqa, Mik Caggeri mahnı oxuyarkən müşayiət edib. 70 yaşlı Cagger və 26 yaşlı Qaqa “Gimme Shelter”-i birlikdə səsləndirib. 
    Britaniyalı müğənni Adel Amerikanın məşhur “Billboard” jurnalına görə, ilin müğənnisi seçilib. “Skyfall” hitinin ifaçısı bu titula artıq ikinci dəfə layiq görülür. Bundan başqa, Adel istedadlı britaniyalı və ilin albomu titulları ilə də mükafatlandırılıb. Jurnalın siyahısında ən yüksək zirvəni isə repçi Dreyk qazanıb. 
    Hollivud ulduzu Corc Kluni adını çəkmədiyi xəstəliyə görə yavaş-yavaş öldüyünü söyləyib. Aktyorun fikrincə, onun çox az ömrü qalıb. Artıq evlənmək və uşaq sahibi olmaq haqqında fikirləşmir. O, bunun səbəbi olaraq xəstəliyini göstərib. Kluni müxtəlif yoluxucu xəstəliklərdən əziyyət çəkdiyini də əlavə edib. Həkimlər 51 yaşlı aktyorun malyariya xəstəliyinin ağır formasına yoluxduğunu bildirib.

 

Sahilə Aslanova

 

Muz-tv.az