Gənc xanım müğənni özünə bahalı avtomobil aldı

Fasilələrlə efirlərdə görünən müğənni Aysel Əlizadə yeni-yeni layihələri ilə tamaşaçılarını sevindirəcək.  

    Fasilələrlə efirlərdə görünən müğənni Aysel Əlizadə yeni-yeni layihələri ilə tamaşaçılarını sevindirəcək. Bayram çəkilişləri ilə əlaqədar bəzi işlərinin gecikdiyini deyən xanım ifaçı qarşıdakı planlarından söz açıb: “Bayramdan sonra “Ulduzlar”ın təqdimatını edəcəyəm, bunu eksklüziv sizə deyirəm”. Klipini türkiyəli rejissor Teoman Topçuya həvalə edən müğənni İstanbulu çox sevdiyi üçün mahnısına da elə orada ekran həyatı verib. Ayselin sözlərinə görə, qardaş ölkəyə üz tutmasının əsas səbəbi keyfiyyətli iş təqdim etmək istəyidir. Türkiyəli klipmeykerə üz tutan Ayseli narahat edən məqam da var. Yerli rejissorların işini bəyənməyən müğənni bu sahədə heç bir irəliləyişin olmadığını deyib. 
    Yaradıcılığına başı qarışan Aysel özünə də pul xərcləməyi unutmayıb. Belə ki, müğənni özünə yeni bahalı avtomobil alıb.

 

Səbinə Zöhrabqızı
Rüfət Qarayev

 

Muz-Tv.az