Sevda Yahayeva: “Dekabrın 21-də konsertim olmayacaq”

Son zamanlar adı tez-tez müxtəlif qalmaqallarda hallanan müğənni Sevda Yahyayeva həm yaradıcılığından danışıb, həm də bəzi məsələlərə aydınlıq gətirib. 

    Son zamanlar adı tez-tez müxtəlif qalmaqallarda hallanan müğənni Sevda Yahyayeva həm yaradıcılığından danışıb, həm də bəzi məsələlərə aydınlıq gətirib. İfaçı dekabrın 21-də reallaşacağı gözlənilən konsertinin əslində olmayacağını bildirib. Bunun sadəcə dostlarının zarafatı olduğunu söyləyən Sevda konsert və digər yaradıcılıq fəaliyyətlərini gələn ilə saxladığını qeyd edib. 
    Bundan başqa, daim yeniliklər etməyə çalışdığını söyləyən müğənni bu dəfə korifey sənətçimiz Şövkət Ələkbərovanın repertuarına müraciət edəcəyini də əlavə edib. Son klipini bu yaxınlarda təqdim edən ifaçı daha bir mahnısına ekran həyatı verməyi düşündüyünü söyləyib. Sevda Bakı gecələrinin əks olunacağı bu video çarxın gələn ilin yay aylarında çəkiləcəyini vurğulayıb.

 

Sahilə Aslanova
Vüsal Babayev

 

Muz-Tv.az