“Blue” qrupu 9 ildən sonra yenidən birlikdə

Britaniyalı “Blue” qrupu “Hurt-Lovers” mahnısına çəkilən yeni klipini təqdim edib.  

   Britaniyalı “Blue” qrupu “Hurt-Lovers” mahnısına çəkilən yeni klipini təqdim edib. Trek tezliklə satışa çıxarılması gözlənilən “Roulette” albomuna daxil edilən ilk sinqldır. Musiqi toplusunun təqdimatı yanvarın 25-nə təyin edilib. Xatırladaq ki, qrupun son albomu 2003-c ildə “Guilty” adı altında yayımlanıb. Toplu digər “All Rise” və “One Love” albomları kimi britaniya çartında ilk sıranı tutub.
   Pop ulduz Madonnayla 4 il, aktrisa Robin Raytla 13 il evli qalan aktyor Şon Penn heç bir qadının onu həqiqətən sevmədiyini söyləyib. O: “Şəxsi həyatıma baxdıqda heç kimin məni sevmədiyini görürəm. Həqiqi mənada heç sevilməmişəm. Bunu söyləməkdən də utanıram”, -deyəvurğulayıb. Qeyd edək ki, Robin Raytla evliliyindən 2 uşağı olan 52 yaşlı aktyor 2007-ci ildə ondan boşanıb.
    Amerikalı aktrisa Keti Holms qızı Surinin yeni il hədiyyələri üçün 50 min dollar xərcləyib. Alınan hədiyyələr arasında 24 min dollarlıq oyun evi, mini planşet, 10 min dollarlıq mini avtomobil, bahalı geyim və kürk var. Xatırladaq ki, aktyor Tom Kruzdan boşanan Holms qızının vəlayətini alıb.
    Türkiyəli müğənni Ebru Gündeş 1.5 milyon dollara aldığı geyimlərini alış-veriş saytlarının birində 150 lirəyə satır. Ulduz bunu sosial yardım dərnəklərinə kömək məqsədilə etdiyini bildirib. Saytda Gündəşin 90 səhnə paltarı və 10 cüt ayaqqabısı satılır. Siyahıda göstərilən əşyaların hamısı satılarsa təxminən 50 min lirə gəlir əldə ediləcəyi qeyd edilir. Saytdan alış-veriş edən hər kəsə ödədiyi pulun hansı dərnəyə getdiyi barədə məlumat verilir. 
    Gənc aktyor Çenniq Tatum ata olmağa hazırlaşır. Ulduzun mətbuat katibi bu barədə mediaya açıqlama verib. Tatum son reportajında həyat yoldaşı ilə karyeralarına bir müddət fasilə vermək və körpənin gələcəyi ilə məşğul olmaq istədiklərini söyləyib. “Əslində üç oğlumun olmasını çox arzulayıram. Amma hələlik bir sağlam övlad da kifayətdir. Sonrakı taleyimizi gələcək göstərəcək”, -deyə aktyor söyləyib.

 

Sahilə Aslanova

 

Muz-Tv.az