Müğənni: “Həmkarlarımın mənə paxıllıq etməsi çox xoşuma gəlir”

Tanınmış müğənni Xatirə İslam qalmaqallardan kənar gəzdiyini və heç bir həmkarı ilə dalaşmaq istəmədiyini deyib. 

    Tanınmış müğənni Xatirə İslam qalmaqallardan kənar gəzdiyini və heç bir həmkarı ilə dalaşmaq istəmədiyini deyib. İfaçı bundan sonra ünvanına gələn xoşagəlməz sözlərə də cavab verməyəcəyini söyləyib: “Artıq şou-biznesdəki dava-dalaşdan kənar gəzirəm. Bundan sonra heç bir müğənni ilə qalmaqal yaratmaq istəmirəm. Hətta mənim ünvanıma söylənilən xoşagəlməz sözlərə belə fikir verməyəcəyəm. Bir sözlə, hər şeyi görməzlikdən və eşitməzlikdən gələcəyəm\".
    Məşhur müğənni Ayan Babakişiyeva cəsarətli açıqlamalar verməyə davam edir. Digər həmkarlarından fərqli olaraq sevgilisi olduğunu gizlətməyən müğənni gözəl görünməsinin daha maraqlı səbəbini açıqlayıb. Sən demə, ən vacib amil sevgidir: “Mənə ilham verən insan var. Bu cür cazibədar olmağımın səbəbi də odur. Qatıldığım hər tədbirdə həmcinslərimin çevrilib mənə paxıllıq dolu gözlərlə baxmasını hiss etmək çətin deyil. Onlar məni görəndə narahatlıq hissi keçirir və bu, mənim xoşuma gəlir. Burdan onlara səslənirəm ki, rahat olsunlar”.
    21 dekabr tarixində dünyanın dağılması xəbəri adi insanları vahiməyə saldığı kimi şou-biznes əhlinin də gözünü qorxudub. Dünyanın dağılmasını istəyən qalmaqallı stilist Samir Əliyev həmin günü səbirsizliklə gözlədiyini dilə gətirib. Stilist insanların qəddarlığından da söz açaraq: “21 dekabrda dünyanın dağılmağını çox istəyirəm. Çünki insanlar qəddarlaşıblar. Çox günah işlər görürlər. Hətta Allahı belə tanımırlar. Kaş ki, 21 dekabr dünyanın sonu olaydı. O günü böyük səbirsizliklə gözləyirəm”, -deyə vurğulayıb.

 

Sahilə Aslanova

 

Muz-Tv.az