Xalq artisti İlhamə Quliyeva Rəşad İlyasovu Abbas Bağırovla dəyişdi
Xalq artisti İlhamə Quliyevanın yeni duet ortağı məlum olub. Sənətçi illər öncə müğənni Rəşad İlyasovla birgə oxuduğu “Yaşın nə fərqi var”...
Xalq artisti İlhamə Quliyevanın yeni duet ortağı məlum olub. Sənətçi illər öncə müğənni Rəşad İlyasovla birgə oxuduğu “Yaşın nə fərqi var” adlı mahnısını bu dəfə əməkdar artist Abbas Bağırovla ifa edib. Mahnını yeni üslubda ifa edən müğənnilər artıq ona ekran həyatı vermək barədə də düşünür.
Xalq artisti Zaur Rzayev üslubuna uyğun mahnı bəstələyən bəstəkar tapa bilmir. Müğənni bildirib ki, hazırda özünə uyğun əsər tapa bilmədiyinə görə yaradıcılığındakı yeniliklərə fasilə verməli olub. “Repertuarımda yer alan mahnıları yeni aranjimanda hazırlayıram. Əsas işlərim də bundan ibarətdir. Bir də ki, mənim üslubumda mahnı yoxdur. Gənclərin yazdığı mahnılar var ki, onları da həmyaşıdları oxuyur”, - deyə xalq artisti vurğulayıb.
Azərbaycan musiqisində ilk dəfə muğamla caz musiqisini birləşdirən Vaqif Mustafazadənin qızı, məşhur azərbaycanlı pianoçu, bəstəkar və caz ifaçısı Əzizə Mustafazadənin doğum günüdür. 1969 cu il dekabrın 19-da Bakıda dünyaya gələn sənətçi hazırda anası Elza Mustafazadə ilə birlikdə Almaniyada yaşayır. O, 2007-ci ilin iyununda Bakı Caz Festivalı üçün Azərbaycana qayıdaraq Opera və Balet Teatrında konsert verib. Sözügedən tədbirdə “Shamans”-ın çox möhtəşəm bir ifasını nümayiş etdirən Əzizənin 5-ci albomunun adı, “Jazziza” (Cazziza), atasının uşaq ikən ona verdiyi ləqəbidir. Sənətçi bir çox musiqisini atasına ithaf edib.
Azərbaycanın əməkdar artisti Aybəniz Haşımova qızı Aynişanın yaradıcılığı haqda danışıb. O, qızının bir çox yenilikləri olduğunu deyib. Sənətçi Aynişanın daim üzərində işlədiyini bildirərək: "Aynişanın bir çox yenilikləri var. Yeni mahnılar üzərində çalışır. Ümumiyyətlə, qızım çox bacarıqlıdır. Eyni zamanda da çalışqandır. 2013-cü ildə də bir çox yenilikləri olacaq"- əlavə edib. Qeyd edək ki, Aybəniz Haşımova Yeni ili qızı ilə xarici ölkədə qarşılayacaq.
Sahilə Aslanova
Muz-Tv.az