Xalq artisti medianı ətrafına topladı

Xalq artisti, cənab qızıl şlyager, 100 % F.A Faiq Ağayev 27, 28, 29, 30 dekabrda Heydər Əliyev Sarayında verəcəyi “Vida” adlı solo konsert layihəsi ilə bağlı mətbuat nümayəndələrini ətrafına toplayıb. 

     Xalq artisti, cənab qızıl şlyager, 100 % F.A Faiq Ağayev 27, 28, 29, 30 dekabrda Heydər Əliyev Sarayında verəcəyi “Vida” adlı solo konsert layihəsi ilə bağlı mətbuat nümayəndələrini ətrafına toplayıb. Sevənlərinə dörd gün unudulmaz şou vəd edən xalq artisti 25 illik səhnə fəaliyyətinin hesabatını verəcəyini deyib. Konsertinin ümümi məbləğini açıqlayan sənətçi layihənin ona 250 min manata başa gəldiyini söyləyib. Konfransda həmçinin xalq artistinin bir neçə gün öncə çəkdirdiyi “Əlvida” adlı klipindən görüntülər də nümayiş olunub.
    Tədbirdə dizayner İbo tərəfindən müğənniyə olunan hədiyyə deyəsən onun yaman ürəyincə olub. Faiq Ağayev MuzTv kamerasına konserti ilə bağlı öz düşüncələrini bölüşərək gecədə bütün sevənlərini görmək istədiyini bildirib.
    Qeyd edək ki, konsertin ideya müəllifi Anar Əsgərov, bədii rəhbəri Yaşar Baxış, musiqi rəhbəri isə Rüstəm Zeynallıdır.
Aytən Zöhrabqızı

 

Sevda Məmmədova
Rüfət Qarayev

 

Muz-Tv.az