Tünzalə Ağayeva cazsevərlərə bayram yaşatdı

Əməkdar artist Tünzalə Ağayeva yenə də cazsevərləri bir araya toplayıb. Bu dəfə gecə klublarının birində konsert verən müğənni sözün ...

   Əməkdar artist Tünzalə Ağayeva yenə də cazsevərləri bir araya toplayıb. Bu dəfə gecə klublarının birində konsert verən müğənni sözün əsl mənasında bütün qonaqlara canlı çıxışı ilə musiqi ziyafəti yaşadıb. Tədbirdə aparıcılıq funksiyasını radio DJ Rahib Azəri yerinə yetirib. Gecə boyu əməkdar artisti “Hicaz” qrupu müşayiət edib. 
  Konsertin ən gözəl məqamlardan biri isə bir vaxtlar əməkdar artistin iştirak etdiyi “Bakı payızı” yarışmasında ona birincilik gətirən “Gözlərin” mahnısının tarixçəsindən danışması və gələn qonaqlarla birgə ifa etməsi olub. Tünzalə Ağayeva xalq artisti Polad Bülbüloğlunun repertuarına da müraciət edib. Əməkdar artistin həmkarı Kənan Qədimov ilə birgə ifa etdiyi duet də gələn qonaqlar tərəfindən alqışlarla qarşılanıb.
  Gecədə qonaq qismində iştirak edən xalq artisti Zülfiyyə Xanbabayeva və modelyer Gülnarə Xəlilova Tünzalə Ağayevanı təbrik edərək konsertlə bağlı fikirlərini bölüşüb.

 

Sərvər Mehdiyev
Elfaq Lələyev

 

Muz-Tv.az