Tarkan ona təklif olunan sərvəti rədd etdi

Bir çox sənətçinin yeni ildə xüsusi məkanlarda çıxış etməyə can atdığı bir vaxtda meqastar Tarkan İstanbulda 5 ulduzlu bir oteldən aldığı 500 min lirəlik təklifi rədd edib. 

    Bir çox sənətçinin yeni ildə xüsusi məkanlarda çıxış etməyə can atdığı bir vaxtda meqastar Tarkan İstanbulda 5 ulduzlu bir oteldən aldığı 500 min lirəlik təklifi rədd edib. Bundan başqa, ulduza yeni ildə səhnə almaq üçün Dubay və Azərbaycandan da ayrılıqda 500 min dollarlıq təklif edilib. Amma müğənni bunlara da mənfi cavab verib. Anasına olan bağlılığı ilə tanınan Tarkan sərvət dəyərindəki təkliflərdən 2013-cü ili ailəsi ilə birlikdə qarşılamaq məqsədi ilə imtina edib. 
   Türkiyəli müğənni Murat Boz reklam üzü olduğu kompaniyanın fottosessiyası üçün Nihat Odabaşının obyektivi qarşısına keçib. Çəkilişdən sonra enerjisi yüksək olan cütlük elə oradaca Bozun “Dance mix” albomunda yer alan “Geri dönüş olsa” mahnısına klip çəkmək qərarına gəlib. Gecə saat 22.00-da başlayan çəkiliş 5 saata başa çatıb. Video çarxın quruluşçu rejissoru Nihat Odabaşıdır.
   Daha bir türkiyəli müğənni Demet Akalın “Türkan” mahnısına çəkilən yeni klipini sevənlərinin ixtiyarına verib. “Giderli 16” albomua daxil edilən trekin sözləri Ayle Çelikə, musiqisi isə Gökhan Təpəyə aiddir. Video çarxda ifaçını “Türkan” rolunu canlandıran məşhur modelyer Nur Yerlitaş və biznesmen İzzət Çapa müşayiət edib. 
    Amerikalı aktyor Eşton Katçer Demi Murdan rəsmi şəkildə boşanmaq üçün məhkəməyə müraciət edib. Ulduz həyat yoldaşının mal varlığından heç bir şey istəmədiyini də ərizəsində qeyd edib. Xatırladaq ki, cütlük 6 il bir yerdə yaşayıb. 2011-ci ilin sonlarında 49 yaşlı aktrisa boşanma qərarını elan edib.
    Britaniya saytlarından biri ilin ən dəbli ailələrinin siyahısını açıqlayıb. İlk sıra məşhur futbolçu Devid Bekham, Viktoriya Bekham və onların uşaqlarına təqdim edilib. Ulduz valideynlər öz körpələrinə kiçik yaşlarından dəblə geyinməyi təlqin edir. Siyahıda üçüncü yerə Ancelina Coli-Bred Pitt cütlüyünün ailəsi layiq görülüb. Coli nəinki daim gözəl görünür, hətta uşaqlarının da ən son dəblə geyinməsinə xüsusi diqqət yetirir. Reytinq sıralamasında Böyük Britaniya şahzadəsi Vilyamın həyat yoldaşı Keyt Midlton və bacısı Pippa Midlton da yer alıb. Bacılar uğurlu geyim seçimləri ilə diqqəti üzərlərində toplaya bilib.

 

Sahilə Aslanova

 

Muz-Tv.az