Müğənni soyuq havada “Qayıtmadı” dedi

Gənc və çalışqan müğənni Zarina Məmmədova yeni klipinin çəkilişlərinə start verib. İşinin yaxşı olması üçün soyuq hava şəraitinə məhəl qoymayan ifaçı hər bir çətinliyə dözməli olub.  

    Gənc və çalışqan müğənni Zarina Məmmədova yeni klipinin çəkilişlərinə start verib. İşinin yaxşı olması üçün soyuq hava şəraitinə məhəl qoymayan ifaçı hər bir çətinliyə dözməli olub. O, hələ ki, ictimaiyyətə təqdim etmədiyi “Qayıtmadı” mahnısına ekran həyatı verib.
   Mahnısını radio dalğalarında səsləndirməmiş dərhal ekran həyatı verən müğənni bununla vaxta qənaət etmək istədiyini deyib. O, çəkilişlərə 2012-ci ilin sonunda başlasa da, bu işini 2013-cü ilin layihəsi hesab etdiyini bildirib.
   Artıq ikinci klipini rejissor Nail Naiboğluna həvalə edən Zarina bu dəfəki işinin də yaxşı alınacağına ümid etdiyiin söyləyib. Cərrahiyyə əməliyyatı olunandan sonra ilk dəfə kamera arxasına keçdiyini deyən klipmeyker də, onun ümidlərini doğruldacağını bildirib.
   Zarina yeni işini gələn il sevənlərinin ixtiyarına verməyi düşünsə də, “Kader utansın” klipindən fərqli olaraq təqdimat keçirməyəcəyini deyib.

 

Aytən Zöhrabqızı
Rüfət Qarayev

 

Muz-Tv.az