Məşhur cütlük nişanlanır

“Atletiko Madrid” futbol komandasının oyunçusu Arda Turan 3 ildir birlikdə olduğu aktrisa Sinem Kobalın ailəsinə elçi göndərməyə hazırlaşır.  

     “Atletiko Madrid” futbol komandasının oyunçusu Arda Turan 3 ildir birlikdə olduğu aktrisa Sinem Kobalın ailəsinə elçi göndərməyə hazırlaşır. Elə həmin gecə də nişan mərasiminin reallaşacağı gözlənilir. Cütlüyün toyunun may ayına təyin edildiyi bildirilir. Məşhur ulduzların nikah şahidi baş nazir Rəcəp Tayyip Erdoğan olacaq. Toy gününün də nazirin proqramına görə təyin ediləcəyi gözlənilir. 
     Barbadoslu pop ulduz Rihanna ölkəsindəki bir xəstəxanaya 1 milyon 750 min dollar bağışlayıb. Ulduzun 3 tibbi cihazın alınmasına imkan yaradacaq bu addımı nənəsinin xatirəsini yad etmək üçün atdığını bildirib. Xəstəxananın bəzi bölmələrinin adı da Rihannanın nənəsinin adı ilə dəyişdirilib.
    Kanadalı müğənni Avril Lavin “One Piece film Z” adlı yapon filminə soundtrek yazıb. Gənc rokçu xanım cizgi filmi üçün solisti Çed Krugerlə sevgili olduğu “Nickelback” qrupunun “How You Remind Me” mahnısını yenidən səsləndirib. Həmçinin sözügedən ekran əsərinin rejissorunun xahişi ilə Avril Coan Cettin “Bad Reputation”mahnısını da ifa edib. 
    Məşhur türk aktyoru Erkan Petekkaya “Dila xanım” serialından aldığı pulun yarısının texniki heyət arasında bölünməsini tələb edib. Hər bölümə görə 60 min lirə alan ulduz bu məbləğin tam yarısından imtina etməklə iş yoldaşlarını çətinlikdən qurtarıb. “İqtisadi böhran seriallarda yer alan heyətin həyatına da təsir etdi. Onlardan bəziləri ev, maşın krediti ödəyir, bəziləri borclara görə əziyyət çəkirlər. Mən bu olanlara laqeyd qala bilməzdim. Rahat yaşayarkən onların çətinlik çəkməsinə üzülürdüm.”

 

Sahilə Aslanova

 

Muz-Tv.az