“Forbes” jurnalı ilin ən çox gəlir gətirən aktyorunun adını açıqladı
“Forbes” jurnalı ən çox gəlir gətirən aktyorların illik reytinq siyahısını açıqlayıb. İlk sırada “Qisasçılar” filminin ulduzu Robert Dauni yer alıb.
“Forbes” jurnalı ən çox gəlir gətirən aktyorların illik reytinq siyahısını açıqlayıb. İlk sırada “Qisasçılar” filminin ulduzu Robert Dauni yer alıb. Jurnalın müəlliflərinin fikrincə, bu il məhz o, ən çox gəlir gətirən aktyor olub. İkinci pillədə isə aktrisa Kristen Stüart dayanıb. O, il ərzində 1,23 milyard dollar qazanıb. Reytinq siyahısının üçüncü sırasına isə “Qara cəngavər 2: Əfsanənin qayıdışı” filminin baş rol ifaçısı Kristian Beyl yiyələnib.
“Mumiy Troll” qrupu “S Novim qodom, kroşka” mahnısına çəkilən yeni klipi ilə öz heyranlarını sevindirib. Video çarx kollektivin dünya turu reallaşdırdıqları “Sedov” gəmisində lentə alınıb. Ekran əsərində Almaniya, İsveçrə və Fransanın görməli yerləri də əks edilib. Klipin maraqlı məqamlarında biri də mahnını bütün gəmi ekipajının birlikdə ifa etməsi olub. Qeyd edək ki, bu qeyri-adi video İlya Laqutenko yaradıcılığının heyranları üçün maraqlı sürpriz olub.
Uzun müddətdir ekranlarda görünməyən rusiyalı müğənni Linda yenidən fəaliyyətə başlamaq qərarına gəlib. 90-cı illərin ulduzu yeni albom üzərində işləməyə başlayıb. İfaçının sözügedən musiqi toplusu Londondakı səsyazma studiyasında məşhur prodüser Hayden Bendalın başçılığı altında lentə alınacaq. Onu da vurğulayaq ki, prodüser Pol Makkartni, Keyt Buş, “Pet Shop Boys” kimi məşhurlarla çalışıb. Albomun dəqiq çıxış vaxtı bildirilməsə də, yay aylarında təqdim ediləcəyi gözlənilir.
Keçmiş “Ruki vverx” qrupunun solisti Sergey Jukov yeni albomunun çıxış mahnısı olan “Otkroy mne dver” trekinə klip çəkdirib. Sözügedən ekran əsərində ifaçı Şaxta Baba obrazını canlandırıb. Qar qız rolunu isə aktrisa Marina Eproş ifa edib. Video çarxda Jukovun məşhur dostları da iştirak edib. Klipdə ulduzlar özlərini canlandırıb. Onlar arasında Leonid Rudenko, Ciqan, Potap i Nastya Kamenskix yer alıb.
Sahilə Aslanova
Muz-Tv.az