“Avroviziya 2011”-nin qalibləri yeni mahnılarını təqdim etdi

“Avroviziya 2011” in qalibləri Eldar və Nigar bu günlərdə Albaniyaya gedib.  

      “Avroviziya 2011” in qalibləri Eldar və Nigar bu günlərdə Albaniyaya gedib. Səfərin məqsədi cütlüyün həmin ölkənin milli seçim turlarında qonaq qismində iştirakı olub. Müsabiqə nəticəsində məlum olub ki, ölkəni bu il Avroviziya yarışmasında Adrian Lulgjuraj və Bledar Sejko təmsil edəcək. Eldar və Nigar Albaniyanın milli seçim turunda “Priceless” mahnısını ifa edib. Qeyd edək ki, trekin solo versiyası Nigar Camalın “Play with me” albomuna daxil edilib.
      Məşhur bəstəkar, xalq artisti Faiq Sücəddinov müğənni Ayaz Qasımovu qatı şəkildə hörmətsizlikdə günahlandırıb. Məlumata görə, onlar arasındakı bu ədavət telekanalların birinin qapısında başlayıb. Bəstəkar Ayazın ona yol verməməsindən bərk əsəbləşib. Gənc ifaçı isə öz növbəsində elə bir imkanının olmadığını və heç vaxt bəstəkara bu cür hörmətsizlik etməyəcəyini bildirib. “Başa düşə bilmirəm. Faiq Sücəddinov qəribə reaksiya verdi. Axı o görürdü ki, arxamda maşınlar var və geri gedə bilmirəm” –deyə müğənni məsələyə şərh verib.
      Müğənni Elvin Abdullayev Qırğızıstanda keçirilən “Azərbaycan günləri” adlı konsert proqramında iştirak edib. İfaçı bildirib ki, o, bir neçə həmkarı ilə birgə Bişkek şəhərində 2 günlük tədbirdə çıxış edib: “Çoxsaylı həmvətənlərimizin qatıldığı bu konsert Gənclər və İdman Nazirliyinin təşkilatçılığı ilə reallaşıb. Yeni ifa etdiyim mahnımın tamamlanma prosesi gedir. Bir neçə əsərim hazırdır və yeni mövsümdə təqdim etmək niyyətindəyəm”.
      Tanınmış rok ifaçısı Milan Məmmədov yeni klipini təqdim edib. Video çarx “Aparım səni uzaqlara” mahnısına çəkilib. Nəzərinizə çatdıraq ki, mahnının müəllifi Milan özüdür, sözləri isə tanınmış reper Urana məxsusdur. Klipdə tanınmış model, “Miss Bakı – 2012”-nin qalibi Tamilla Həmidova rol alıb.

 

Sahilə Aslanova

 

Muz-Tv.az