Bəstəkar Oqtay Kazıminin 80 illik yubileyi qeyd edildi

Behbudov adına Mahnı Teatrında böyük bəstəkar Oqtay Kazıminin 80 illik yubileyi münasibətilə tədbir keçirilib. 

     Rəşid Behbudov adına Mahnı Teatrında böyük bəstəkar Oqtay Kazıminin 80 illik yubileyi münasibətilə tədbir keçirilib. Millət vəkili Qənirə Paşayeva və xalq artisti Aybəniz Haşımovanın təşəbbüsü ilə reallaşan mərasimdə ölkənin tanınmış ziyalıları və incəsənət xadimləri iştirak edib. 
     Gecədə ilk olaraq xalq artisti Aybəniz Haşımova gələn qonaqları salamlayıb və tədbirin məqsədindən bəhs edib. Sənətçi mərasimdə aktiv yer alan hər bir kəsə təşəkkür etməyi də unutmayıb. 
      Bu özəl gündə iştirak edən məşhur qonaqlar bir-bir səhnəyə çıxaraq mərhum bəstəkar haqqında ürək sözlərini bölüşüb. Millət vəkili Qənirə Paşayeva təqdimat edəcəkləri “Ağla məni bu şəhər və Sən” layihəsi ilə bağlı da danışmağı unutmayıb. 
     Daha sonra sözügedən layihə çərçivəsində məşhur müğənnilər səhnədə yer alaraq bəstəkarın ən sevilən musiqilərini ifa edib. Müğənni Ayaz Qasımov isə tədbirə dəvət olunduğu üçün böyük qürur hissi keçirdiyini söyləyib. İfaçı tədbirin təşkilatçılarına təşəkkür etməyi də unutmayıb.
     Qeyd edək ki, layihəyə daxil edilən mahnılardan ibarət disk yaxın günlərdə dinləyicilərin ixtiyarına veriləcək.

 

Sahilə Aslanova
Vüsal Həşimov

 

Muz-Tv.az