“Prodüserlik inkişaf etmir deyə, oxumaq qərarına gəldim”

Adı son zamanlar qalmaqallarda hallanan müğənniliyə iddialı olan Sultan Qocayev yaradıcılığına ciddi start verib.  

    Adı son zamanlar qalmaqallarda hallanan müğənniliyə iddialı olan Sultan Qocayev yaradıcılığına ciddi start verib. “İlk sevgim” adlı mahnısını dinləyicilərin ixtiyarına verən ifaçı MuzTv tamaşaçılarına artıq klip çəkdirmək istədiyini deyib. 
    Müğənnilik həvəsinə düşməzdən əvvəl prodüser işləyən Sultan öz səsini kəşf edən kimi mahnılar yazdırmağa başlayıb : “Gördüm ki, prodüserlik sənəti inkişaf etmir, oxumaq qərarına gəldim. Mənim səs tembrim qeyri -adidir”.
    İkinci mahnısına ekran həyatı verməyi düşünən gənc müğənni qarın yağmasını səbirsizliklə gözləyir. Onun ikinci klipini də rejissor Zöhrab Ağayev çəkəcək.

 

Aytən Zöhrabqızı
Rüfət Qarayev

 

Muz-Tv.az