Safura Əlizadə “Sən və mən” dedi

“Avroviziya -2010” mahnı müsabiqəsinin iştirakçısı Safura Əlizadə yeni mahnısını sevənlərinin ixtiyarına verib.  

     “Avroviziya -2010” mahnı müsabiqəsinin iştirakçısı Safura Əlizadə yeni mahnısını sevənlərinin ixtiyarına verib. Noyabrda təqdim etdiyi “Hey baby” mahnısından sonra ifaçı indi də “Sən və mən” adlı sinql çıxarıb. Trek Safuranın heyranlarına yeni il hədiyyəsidir. Bu barədə müğənni öz Facebook səhifəsində açıqlayıb. 
      Hər zaman fərqli açıqlamaları ilə seçilən əməkdar artist Teymur Əmrah şou-biznes əhlinə söz atıb. İfaçı özlərini ulduz hesab edənlərə cavab verərək: “Mən heç vaxt özümə ulduz deməmişəm, deməyəcəyəm də. Bu mənim sənətimə yaraşmaz Ulduzlar göydə olur. Mən bunu bilirəm ki, bu adı sənətçiyə xalqı verməlidir”.
      Azərbaycan estradasının tanınmış müğənnisi Xatirə İslam ona pislik edən insanlardan söz açıb. İfaçı bağışlamağı bacardığını etiraf edib. Xatirə ona pislik edən insanın adını deməkdən çəkinərək: “ Məni arxadan vurmaq istəyənlər çox olub. Amma kinli olmadığımdan bağışlamışam. Onu deyim ki, mənə zərər verən kimliyindən asılı olmayaraq qəlbimdə iz qoyub. Hazırda həyatımda elə biri var ki, mənə qarşı pislik etmişdi və onu hələ də bağışlamamışam. Adını açıqlamaq istəmirəm”- məsələyə münasibət bildirib.

 

Sahilə Aslanova

 

Muz-Tv.az