Dünya şöhrətli müğənni Azərbaycana gələcək

Müğənni Rüfət Axundov bir müddət öncə dünyasını dəyişən xalq artisti Yaşa Nurinin xatirəsinə mahnı ithaf edəcək.

    Müğənni Rüfət Axundov bir müddət öncə dünyasını dəyişən xalq artisti Yaşa Nurinin xatirəsinə mahnı ithaf edəcək.  İfaçı sözləri Zeynal Xəlilə, musiqisi Emin Sabitoğluna məxsus olan “ Kimlər gəldi kimlər getdi” əsərini yeni aranjemanda səsləndirəcək. Axundov mərhum aktyorumuzu yad etmək üçün hazırlamağa başladığı musiqiyə rejissor Nail Naiboğlu vasitəsi ilə ekran həyatı da vermək niyyətindədir. Məlumat üçün bildirək ki, ölməz sənətkarımız Yaşar Nuri hələ sağkən müsahibələrinin birində bacısı oğlu Rüfət Axundovun ifasınını bəyənmədiyini söyləyib.

    Şoumen Murad Dadaşov yeni layihələr üzərində işləyir. O, rəhbərlik etdiyi prodakşnın 10 ilinin tamam olması münasibətilə təmtəraqlı tədbirlər keçirməyə hazırlaşır. Şoumen layihələrinin birində məşhur dünya ulduzlarını da qonaq edəcək: “Hazırda onların çalışdığı agentliklərlə danışıqlar aparırıq. Aralarında  həm məşhur Hollivud ulduzları, həm də müğənnilər var. Ən sevdiyim müğənni Beyonsdur. Arzumdur ki, onu Bakıya gətirim. Yəqin ki, 2013-cü ildə bun nail olacağam” –deyə Dadaşov məsələni şərh edib.

    Tanınmış modelyer Fəxriyyə Xələfova yeni kolleksiyalar üzərində işləyir. Ziyafət geyimlərində özünü təsdiq edən Fəxriyyə xanım bu il gündəlik və gəlinlik libasları ilə fəaliyyətini davam etdirəcək. Yenilikləri ilə bağlı açıqlama verən modelyer hazırladığı geyimləri satışa çıxaracağını da deyib: “Adətən kolleksiyalarımı daha çox nümayişlər üçün hazırlayıram. Amma bu ildən mağaza şəraitində fəaliyyət göstərəcəyik. Gündəlik və gəlinlik libaslarına da tələbat çox olduğuna görə düzgün seçim etdiyimi düşünürəm”. Fəxriyyə Xələfova həm qadınlar, həm də kişilər üçün nəzərdə tutulan yeni ətir üzərində də işlədiyini əlavə edib. Məşhur xanım tamamilə fərqli formada hazırlanan məhsulun digərləri kimi qeyri-adi qoxusu ilə seçiləcəyini bildirib. O, xanımlar üçün olan bu ətri 8 mart Qadınlar Gününə hədiyyə etmək istədiyini vurğulayıb.

    Nura Suri yeni “Nuranın mətbəxi” adlı kitab təqdim etməyə hazırlaşır. Son zamanlar “Facebook” sosial şəbəkəsində müğənninin hazırladığı yeməklərin şəkillərini paylaşması bir çox insanların diqqətini çəkib. Məşhur xanIm Nigar Köçərlinin təklifi ilə “Nuranın mətbəxi”ni qələmə almaq qərarına gəlib. Kitabda Surinin bişirdiyi şirniyyatların, yeməklərin hazırlanma qaydası və fotoları yer alacaq.

 

Sahilə Aslanova

 

Muz-Tv.az