Bu gün Elvis Preslinin doğum günüdür

Mərhum ulduz Elvis Preslinin 77-ci doğum günüdür. Ölümündən otuz ildən artıq vaxt keçməsinə baxmayaraq, 

    Mərhum ulduz Elvis Preslinin 77-ci doğum günüdür. Ölümündən otuz ildən artıq vaxt keçməsinə baxmayaraq, o,  hələ də dünyanın ən məşhur müğənniləri sırasındadır. Sənətçi kimi onun rekordlarını hətta indi də dünyanın ən tanınmış estrada ifaçıları təzələyə bilmir. Elvis Presli bütün dünyada bu gün də "rokn rollun kralı" kimi yad edilir.

    Preslinin sahib olduğu ən böyük avantajlardan biri səsi idi. Zənci və ağdərili səs tonlarından rahatlıqla istifadə edə bilirdi. O, kilsə musiqisindən populyar musiqiyə, rokn rolldan blüz tərzinə qədər çox müxtəlif janrlarda əsərlər ifa edib. “It's Now or Never” kimi opera tərzinə yaxın mahnılar səsləndirib. “My Way” kimi bəzi “cover” işlərinin şöhrəti orijinallarını belə geridə qoyub.

    Blüz, caz musiqisi ilə tanış olması və bu musiqi növlərinə marağının yaranması onu mahnı oxumağa sövq edib. “My Happiness” ve “That’s When Your Heartaches Begin” əsərlərini anasına doğum günü hədiyyəsi olaraq yazıb. "That's All Right" və "Blue Moon of Kentucky" kantri, blüz tərzində rokn roll parçalarıdır. Presli "Heartbreak Hotel" əsəri sayəsində musiqi reytinqlərində 8 həftə lider mövqeyini qoruyub. Sənətkar bu dövrdə "Don't Be Cruel," "Hound Dog," "Love Me Tender," "All Shook Up" ve "Jailhouse Rock" əsərlərini yazıb.

    Elvis ömrünün son illərində sürətlə kökəlmə xəstəliyinə yaxalanıb.  1973-cü ildə həyat yoldaşından boşanan “Rokn rollun kralı” 1977-ci ildə İndianapolisdəki axırıncı konsertindən sonra avqustun 16-da vəfat edib.

 

Sahilə Aslanova

 

Muz-Tv.az