Meray Kerri əvvəlki formasına qovuşdu

Meray Kerri əkizləri Monro və Morokkonu dünyaya gətirdikdən sonra aldığı 70 kiloqram artıq çəkidən nəhayət ki, azad olub. 

   Meray Kerri əkizləri Monro və Morokkonu dünyaya gətirdikdən sonra aldığı 70 kiloqram artıq çəkidən nəhayət ki, azad olub. azad ola bilməyib. O, Avstraliya çimərliyində dəniz geyimi ilə görüntülənib. 42 yaşlı  müğənni əri Nik Kannon və uşaqları ilə Yeni il bayramı üçün Sidney və Melburn sahillərinə uçub. Kerri istirahətindən zövq alıb. Qremmi mükafatının sahibi, beş oktavalı səs imkanlı müğənni tezliklə “Amerikan idolu” şousunun 12-ci sezonuna geri dönəcək. O, həmçinin martda çıxacaq yeni albomu üzərində də çalışır.

   Məşhur “Nirvana” qrupunun unudulmaz solisti Kurt Kobeyn haqqında sənədli film çəkiləcək. Böyük Britaniya mətbuatı xəbər verir ki, “Rolling Stones” sənədli filmlərinə imza atan Bret Morqan, bu layihə üzərində çalışdığını deyib: “2014-cü ildə həyata keçirilməsi planlaşdırılan layihənin adı “Courtney Love”dır. Kurt Kobeyn inanılmaz komik bir insan idi. Bu film onun taleyini əks etdirməlidir”.

   Castin Biber ona görə həyatını itirən fotoqrafın ölümündən sonra paparazzilərə qarşı qadağalar qoyulmasının gərəkli olduğunu açıqlayıb. Kanadalı müğənni sərt qanunların zəruri olduğunu vurğulayıb: “Ümid edirəm ki, bu faciə məşhurların, məsum insanların, polislərin, fotoqrafların həyatını qorumaq üçün lazımi addımların atılması üçün bir təkan olar”. Xatırladaq ki, Los-Ancelesdə, ağ “Ferrari”nin sükanı arxasında Biberin şəkillərini çəkməyə çalışan fotoqraf maşın vurması nəticəsində vəfat edib.

    Bir neçə gün qabaq Meksika günəşi altında qaralmağa çalışan Cessika Alba fotoqraflara tuş gəlib. İki uşaq anası aktrisa həyat yoldaşı Kaş Uarren və qızı Honorla birlikdə Yeni ili dəniz sahilində qeyd edib. Albanın əri Kaş ətrafında ailəsi olduğu üçün xoşbəxt görünüb. Uşaqlar sevinclə qumla oynayıb. Valideynlər günəşdən və dənizdən həzz alsalar da,  gözlərini bir an belə olsun uşaqlarından ayırmayıb.

 

Sahilə Aslanova

 

Muz-Tv.az