Dünya şöhrətli müğənninin doğum günüdür

Dünyaca məşhur frankofon müğənni Lara Fabianın doğum günüdür. 

   Dünyaca məşhur frankofon müğənni Lara Fabianın doğum günüdür. Lara mahnı söyləməyə, rəqs etməyə və piano dərsləri almağa kiçik yaşlarında başlayıb. 10 il konservatoriya təhsili alan müğənni yalnız öz mahnılarını ifa edib. O klassik vokalla bərabər Barbra Streyzend və “Queen” kimi dövrün sənətçilərindən də ilham alıb. Həmin illərdə Lara bir çox musiqi müsabiqələrində iştirak edib və bəzi qələbələr qazanıb. Sənətçi ilk albomunu 1980-cı ildə “L`Azziza Est En Pleurs” adı altında çıxarıb. 1988-ci ildə 33-cü “Avroviziya” mahnı yarışmasına qatılan ifaçı 4-cü yeri tutub. 1990-cı ildə Laranın daha bir musiqi toplusu “Je Sais” dinləyicilərinin ixtiyarına verilib. Elə həmin il Amerikaya gələn Lara burada “Productions Clandestines” səsyazma studiyasının əsasını qoyub. Bu ölkəyə müğənni prodüseri və yaxın dostu, sonralar həyat yoldaşı Rik Ellisonla gəlib. Belçikadakı barların birində tanış olan cütlük bu günə qədər birlikdə fəaliyyət göstərir.

   Ingilis məhkəməsi keçən il vəfat edən müğənni Emi Uaynhauzun həddən artıq içkili olduğuna görə həyatını itirdiyini təsdiqləyib. Sent Pakras məhkəməsində açıqlanan qərarda müğənninin spirt zəhərlənməsindən öldüyü qeyd edilib. Xatırladaq ki, “Grammy” mükafatı sahibi Uaynhauz 2011-ci ilin iyul ayında Londondakı evində ölü tapılıb.

   Tanınmış fransız aktyoru Jerar Depardye Rusiya Federasiyasının tərkibində olan Mordoviyanın mədəniyyət naziri olmaqdan imtina edib. Aktyor ona edilən təklif qarşısında "Mən bütün dünyanın mədəniyyət naziriyəm", - deyə cavab verib. Məlumatı jurnalistlərə Rusiyanın Dövlət Film Fondunun rəhbəri Nikolay Borodaçev verib. Qeyd edək ki, Jerar Depardye bu il yanvarın 3-də Rusiya Federasiyasının prezidenti Vladimir Putinin imzaladığı fərmana əsasən bu ölkənin vətəndaşı olub.

   Yeni başlayan  “İntiqam” adlı serialın ulduzu Beren Saat və sevgilisi Kənan Doğulu İstanbulun məşhur alış-veriş mərkəzlərindən birində peyda olub. Bred Pittin baş rolunu ifa etdiyi “Zərif ölüm” adlı filmi izləyən cütlük kinoteatr çıxışında obyektivlərə yaxalanıb. Qeyd edək ki, aktrisanın açıq-saçıq geyimi diqqətləri üzərinə toplayıb.

 

Sahilə Aslanova

 

Muz-Tv.az