Beyons Obamanın andiçmə mərasimində çıxış edəcək

Müğənni Beyons  Amerika prezindenti Barak Obamanın andiçmə mərasimində çıxış edəcək.

   Müğənni Beyons  Amerika prezindenti Barak Obamanın andiçmə mərasimində çıxış edəcək. Təntənəli iştirak zamanı ulduz ölkənin “The Star-Spangled Banner” adlı  himnini ifa edəcək. Tədbirdə həmçinin Kelli Klarkson və Ceyms Teylor da səhnə alacaq. Beyons həyat yoldaşı Jay-Z ilə birlikdə Obamanın seçkiqabağı kampaniyası üçün vəsait toplayıb. Musiqiçilər 4 milyon dollar gəlir əldə edə bilib. Obama seçkilərədə qalibiyyətindən sonra Beyonsa təşəkkür edərək onu qızı üçün ən yaxşı nümunə adlandırıb.

   Müğənni Keti Perri hər il Amerikada keçirilən “People’s Choice Awards 2013” mükafatlarında bir neçə nominasiyada qalib olub. Ulduz “Ən yaxşı pop-müğənni”, “Ən yaxşı pop-artist” adına layiq görülüb. Bundan əlavə ifaçının “Part of Me” mahnısına çəkilən klipi “Sevimli video” titulu ilə mükafatlandırılıb. “Sevimli qrup” adı isə “Maroon 5” kollektivinə verilib. Ən yaxşı albom və mahnı nominasiyasında “One Direction” qrupu “What Makes You Beautiful” və “Up All Night” mahnıları mükafatla təltif olunub. İlin debüt qrupu  isə “The Wanted”  olub.

   Məşhur aktyor Ben Afflek yuxulu halda sevimli qızı Serafinanın ad gününə gedərkən görülüb. O, bu özəl gecəyə sadə geyimlə qatılıb. Serafina isə əynindəki çəhrayı libasla əsl şahzadəyə bənzəyib. Benin həyat yoldaşı, 40 yaşlı Ceniffer Qarner də sərbəst geyimdə, cinsdə və boz köynəkdə olub. Ad günü üçün qiyməti 750-1050 dollar arasında olan yer seçib. Benin kiçik qardaşı Cessi də oğlanları İndiana və Attikusla birlikdə gecədə iştirak edib.

   Amerikalı kantri müğənnisi Teylor Svift və “One direction” qrupunun üzvü Harri Stayles 65 gündən sonra ayrılıb. Milad və yeni il  bayramlarını romantik tətillə qeyd etmək üçün Karib adalarına gedən cütlük dalaşıb. Bu mübahisə 23 yaşlı Teylor və 18 yaşlı Staylesin əlaqəsinin sonu olub. Svift yanvarın 4-də ilk təyyarə ilə ölkəsinə dönüb. Stayles isə adada daha bir neçə gün qalıb. Svift 3 il ərzində 7 nəfərlə sevgili olub. Sviftin sevgililəri arasında aktyorlar Ceyk Cillenhol, Teylor Loutner və Konor Kennedi də var.

 

Sahilə Aslanova

 

Muz-Tv.az