Mübariz Tağıyevə oxumaq qadağan edildi
Mərhum bəstəkar Elza İbrahimovanın doğum günüdür. Sənətkar 1938-ci ildə Hacıqabul rayonunda dünyaya gəlib.
Mərhum bəstəkar Elza İbrahimovanın doğum günüdür. Sənətkar 1938-ci ildə Hacıqabul rayonunda dünyaya gəlib. Hələ uşaq yaşlarından musiqiyə böyük həvə göstərən Elza xanım ilk mahnısını 1969-cu ildə bəstələyib. Məmməd Rahimin sözlərinə bəstələnmiş "Yalan ha deyil" mahnısının ilk ifaçısı Şövkət Ələkbərova olub. Azərbaycanda tanqo ritmini estradaya gətirən bəstəkarlardan biri olan Elza İbrahimovanın "Qurban verərdim", "Sən mənə lazımsan", "Bağçadan keçmisən" və sair musiqiləri bəstəkarın sevilən mahnıları siyahısına qoşulur. Bəstəkarın Rəşid Behbudovun ifasında səslənən "Ey vətən" əsəri bütün dünyada Azərbaycanı tərənnüm edən mahnılardan biri olub. O, 1992-ci ildə əməkdar incəsənət xadimi adına layiq görülüb. Sənətkar uzun sürən xəstəlikdən sonra 2012-ci il fevral 11-də 74 yaşında vəfat edib.
Xalq artisti Mübariz Tağıyev bu il solo-konsert proqramıyla çıxış etmək istədiyini deyib. O bildirib ki, qarşıdan 65 illik yubileyi yaxınlaşır və bu səbəblə səhnəyə çıxmaq fikrindədir. Amma sənətkar səhhətiylə bağlı tərəddüd etdiyini söyləyib: “Həkimlə də məsləhətləşmişəm. O, deyib ki, səhnəyə çıxmağa tələsmə. Hazırda müalicəm davam edir. Amma nəfəslə bağlı bəzi problemlər var. Təxminən yay aylarında Yaşıl Teatrda solo konsert proqramıyla çıxış etmək fikrindəyəm. Məşqlərə də başlamışıq. 20-yə yaxın mahnı ifa edəcəyəm”. Qeyd edək ki, Mübariz Tağıyev keçən il ürəyindən əməliyyat olunub.
Ötən gün səfərdən qayıdan xalq artisti Aygün Kazımova yenidən Türkiyəyə yola düşməyə hazırlaşır. Bu barədə müğənnin prodüseri Tarix Əliyev məlumat verib. “Bakıya yeni qayıtmışıq. Ancaq yenə səfərə hazırlaşırıq. Bu ayın 17-si Türkiyəyə yollanacağıq. Səfərimiz Aygün xanımın məşqləri ilə bağlıdır. Xanım ifaçı yeni layihəsinin hazırlıqlarını görür”, - deyə o, qeyd edib.
Xalq yazıçısı Elçin Əfəndiyevin məşhur “Mahmud və Məryəm” romanı əsasında çəkilən film martın 22-dən etibarən kinoteatrlarda nümayiş olunacaq. Bu barədə filmin prodüseri Sevda Kayğısız bildirib. Mahmudla Məryəmin sevgisindən bəhs edilən filmdə əsas rolları Aras Bulut İynemli və Eva Dedova canlandırıb. Çəkilişlərinə Şəki şəhərində start verilən ekran əsərində Fəxrəddin Manafov, Məlahət Abbasova, Şamil Süleymanov, Mehmet Çevik, Tomris İncer, Kristina Krapela və digər tanınmış aktyorlar rol alıb. Mehmet Ada Öztekinin rejissorluğu ilə lentə alınan filmin çəkilişləri ötən il reallaşıb. “Mahmud və Məryəm”in Azərbaycan, Türkiyə, o cümlədən Avropanın 9 ölkəsindəki kinoteatrlarda ekranlara çıxarılacağı gözlənilir. Filmin bəstəkarı Aygün Səmədzadədir.
Xalq artisti,Amaliya Pənahovanın ayağı sınıb. Ayağı gipsə salınan sənətkar həkimlərin məsləhəti ilə bir aya yaxın yataq və oturaq rejimdə olacaq: “İşə gedərkən ayağım burxuldu, yıxıldım. Sonra həkimə apardılar və bəlli oldu ki, ayağım sınıb. 3 gün olar ki, gipsdədir, oturaq vəziyyətdə qalmışam. Həkimlər deyir ki, azı bir aya yaxın bu belə olacaq”.
Sahilə Aslanova
Muz-Tv.az