85-ci “Oskar” kino mükafatlarına namizədlərin adları açıqlandı
Los Ancelesdə 2013-cü ilin “Oskar” kinomükafatlarına namizədlər elan edilib. Nominantlar arasında ən çox Stiven Spilberqin “Linkoln” və Enq Linin “Pi həyat yolu” filmlərinin adları çəkilib.
Los Ancelesdə 2013-cü ilin “Oskar” kinomükafatlarına namizədlər elan edilib. Nominantlar arasında ən çox Stiven Spilberqin “Linkoln” və Enq Linin “Pi həyat yolu” filmlərinin adları çəkilib. Adı çəkilən ekran əsərlərindən əlavə “Ən yaxşı film” kateqoriyasında Mihail Hanekenin “Məhəbbət”, Ben Afflekin “Arqo əməliyyatı”, Tom Huperin “Səfillər”, Kventin Tarantinonun “Azad Edilmiş Canqo”, Ben Zaytlinin “Vəhşi cənubun heyvanları”, Devid Rasselin “mənim sevgilim dəlidir” və Ketrin Biqelounun “Hədəf nömrə bir” filmləri var.
“Ən yaxşı rejissor” kateqoriyalarında Haneke, Zaytlin, Li, Spilberq və Rassel yer alıb. “Ən yaxşı qadın” mükafatına Cessika Çesteyn, Kevenjane Uollis, Naomi Uotts, Cennifer Lourens və Emmanuel Riva layiq görülə bilər. Analoji kişi nominasiyalarında isə Bredli Kuper, Deniel Dey-Lyuis, Hyu Cekman, Hoakin Feniks və Denzel Vaşinqton namizəd göstərilib.
Xatırladaq ki, Amerika Kinoakademiyasının 85-ci mükafatları təqdimetmə mərasimi fevralın 24-də reallaşacaq. Tədbiri “Qriffinlər” cizgi filminin yaradıcısı Set Makfarleyn və aktrisa Emma Stoun aparacaq.
Keçən həftə dünya mətbuatı ən məşhur Hollivud cütülüyü olan Bred Pitt və Ancelina Colinin evlənmə xəbəri ilə çalxalandı. Amma ulduzlar xəbərin doğruluğu barədə heç bir rəsmi təsdiqləmə vermədi. Sevgililəri daim izləyən paparazzilər Bredi hava limanında çəkməyə nail olub. Aktyorun evlilik xəbərlərindən sonra ilk dəfə ictimaiyyət arasında görünüb. Bred limana ailəsi olmadan gəlib. Jurnalistlərin suallarına cavab vermək istəməyən ulduzun sol əlini qətiyyətlə gizlətməyə çalışması diqqətdən yayınmayıb. Aktyorun bütün cəhdlərinə baxmayaraq fotoqraflar onun adsız barmağında üzüyün olmadığını çəkə bilib.
Amerikalı müğənni Cennifer Lopez məşhur jurnalların üz qabıqlarındakı cazibədar şəkilləri ilə heyranlarının zövqünü oxşamaqda davam edir. Ulduz artıq 2013-cü ilin bir neçə qlamur jurnallarını fotoları ilə bəzəyir. Həmçinin Cennifer verdiyi müsahibəsində uşaqlarından, sevgilisi Kasper Smartdan və gündəlik həyatında etdiklərindən danışıb.
”Ümidsiz ev qadınları” serialının ulduzu, 37 yaşlı aktrisa Eva Lonqoriya gözəllik salonundan çıxarkən kameralara tuş gəlib. Hazırda “Fontera” filminə çəkilən məşhur xanımın saç rəngini dəyişdiyi gözlərdən qaçmayıb.
Keçən iki ayı məhz bu filmin çəkilişləri üçün Nyu Meksikada olan aktrisa Ed Harris və Mixael Pena ilə eyni səhnəni paylaşır. Xatırladaq ki, ulduzun adı Los Ancelesin meri Antonio Villaraiqosa ilə hallanırdı. Amma Eva bildirib ki, 59 yaşlı siyasətçi ilə sadəcə Obamanın yenidən seçilməsi üçün aparılan kampaniya zamanı eyni cəbhədə çalışıblar və aralarında heç nə yoxdur.
Sahilə Aslanova
Muz-Tv.az