Səbinə Babayeva konsert proqramı ilə çıxış etdi

Bakı Caz Mərkəzində “Avroviziya - 2012” mahnı müsabiqəsində ölkəmizi təmsil edən Səbinə Babayevanın möhtəşəm konserti reallaşıb. 

   Bakı Caz Mərkəzində “Avroviziya - 2012” mahnı müsabiqəsində ölkəmizi təmsil edən Səbinə Babayevanın möhtəşəm konserti reallaşıb. Gələn qonaqları salamlayan ifaçı xanım bir-birinin ardınca ən gözəl mahnılarını oxuyub.

   Fasilədə konsert barədə təəssüratlarını bölüşən Səbinə xanım belə tədbirlərin davamlı olacağını deyib. Gənc ifaçımız “Avroviziya” müsabiqəsindən sonra bir çox ölkələrdə konsert proqramı ilə çıxış etdiyini bildirib. Amma bütün bunlara baxmayaraq, o, digər iştirakçılarımız kimi xaricdən yaradıcılıq təklifləri almadığını söyləyib.

   Gənc ifaçı 2013-cü ildə Avroviziya mahnı müsabiqəsinə qatılmaqdan imtina edən  ölkələrə də öz münasibətini bildirərək bunun iqtisadi böhranla bağlı olduğu vurğulayıb. Bundan əlavə, Səbinə öz heyranlarına yeni albom və mahnı müjdəsini verməyi də unutmayıb. İfaçı həmçinin film təklifləri gözlədiyini və dəvət gələrsə, məmnuniyyətlə qəbul edəcəyini söyləyib.

 

Sahilə Aslanova

Vüsal Babayev

 

Muz-Tv.az