İsrailli xanım müğənnidən Ayaz Qasımova təklif

Ayaz Qasımov növbəti duetini ərsəyə gətirib. Yerli ulduz İsrail müğənnisi Hava Dolevlə “Sevəcəksən gizlicə” mahnısını Azərbaycan dilində ifa edib.

    Ayaz Qasımov növbəti duetini ərsəyə gətirib. Yerli ulduz İsrail müğənnisi Hava Dolevlə “Sevəcəksən gizlicə” mahnısını Azərbaycan dilində ifa edib. Mahnının musiqisi Aygün Səmədzadəyə, sözləri isə Kəmalə Abıyevaya məxsusdur. Təklif də məhz Hava xanımdan gəlib.

   O, bildirib ki, növbəti günlərdə sözügedən ifaya ekran həyatı verəcək. Maraqlı klip çəkdirməyi planlaşdıran müğənni öncə rejissorun adını açıqlamağı düşünsə də, sonradan nədənsə fikrindən daşınıb.

    Sonda onu da  vurğulayaq ki , artıq mahnı İsrail radio dalğalarında mütəmadi olaraq səslənir.

 

Sərvər Mehdiyev

Ramal Gülməmmədov

 

Muz-Tv.az