Beren Saat və Kənan Doğulu nişanlanır

“İntiqam” serialı ilə yenidən ekranlara geri dönən Beren Saat keçən həftə Kənan Doğulu ilə münasibətlərinin birinci ilini qeyd edib. 

   “İntiqam” serialı ilə yenidən ekranlara geri dönən Beren Saat keçən həftə Kənan Doğulu ilə münasibətlərinin birinci ilini qeyd edib. İddialara görə müğənni gecədə aktrisaya evlənmə təklif edib və “Hə” cavabını alıb. Cütlük mayın 31-də ailə arasında təşkil ediləcək mərasimdə nişanlacaq. Bu tarixin seçilmə səbəbi isə Kənan Doğulunun doğum gününün olmasıdır.

    Hollivud ulduzu Tom Kruz yeni filmi olan “Cek Riçer”-in təqdimat mərasimi üçün az qala bütün dünyanı gəzir. Bu dəfə 50 yaşlı aktyor Yaponiya və Tokioya səyahət edib. Tom həmişəki stilinə sadiq qalıb. Onun əynində qara kostyum, ağ köynək və gözlərində gün eynəyi olub. Amma bu ciddi stili ilə filmdəki tərəf müqabili Rozamund Paykın geyimi uyğun gəlməyib. Aktrisanın əynində sarı paltar olub. Rozamundun alçaq daban ayaqqabıları isə imkan verib ki, qırmızı xalça üstündə Tom balaca görünməsin.

    234 min dollarlıq vergi borcu  səbəbi ilə çətin günlər keçirən aktrisa Lindsi Lohan gələn bütün təklifləri dəyərləndirir. 100 min dollara Brüney şahzadəsi Azimin təşkil etdiyi gecəyə qatılan aktrisanın son filmi “The Canyons” üçün gündə 100 dollar aldığı məlum olub. Lohan son filmində 3 ulduzla açıq-saçıq səhnələrdə rol alıb. Onun filmindən milyon dollar qazandığı iddia edilir.

    Müğənni Britni Spirs keçmiş meneceri Ceyson Treviklə nişanının pozulması və “X Factor” verilişindəki jüri vəzifəsindən imtina etdiyi haqqında məlumat verib. Sevgilisi ilə ayrılma səbəbləri haqqında danışmayan Spirs sadəcə həyatlarının axırına qədər dost kimi qalacaqlarını deyib. Xatırladaq ki, məşhur ulduz daha əvvəl iki dəfə evli olub.

 

Sahilə Aslanova

 

Muz-Tv.az