70-ci “Qızıl qlobus” festivalının qalibləri müəyyənləşdi

70-ci “Qızıl qlobus” festivalı təntənəli şəkildə keçirilib. Ən yaxşı dramatik film kateqoriyasında “”Arqo” əməliyyatı” filmi mükafata layiq görülüb. 

    70-ci “Qızıl qlobus” festivalı təntənəli şəkildə keçirilib. Ən yaxşı dramatik film kateqoriyasında “”Arqo” əməliyyatı” filmi mükafata layiq görülüb. Ekran əsərinin rejissoru Ben Afflek isə ən yaxşı rejissor titulu ilə mükafatlandırılıb. “Ən yaşı komediya və ya müzikl” nominasiyasında “Səfillər” filmi “Qızıl qlobus” qazanıb.

Televiziya bölməsində “Doğmalar arasında yad” serialı fərqlənib.

    Müğənni Keşa “C`Mon” adlı mahnısına çəkilən yeni klipini təqdim edib.  Kompozisiya ifaçının “Warrior” albomuna daxil edilən sayca ikinci sinqldır. Ulduz video çarxda həmişəki dəcəl qız obrazında çıxış edib. Qeyd edək ki, ifaçının sözügedən musiq toplusu dünya çartlarında zəif nəticə göstərib və Böyük Britaniya hit-paradlarında sadəcə 66-cı sıraya yiyələnə bilib.

    Britaniyalı ifaçı Adel gələn ay yeni albom üçün hazırlıqlara başlayacağını açıqlayıb. Keçən ildən bəri səhnəyə çıxmayan müğənni fevralın 24-də “Oskar” mərasimində  iştirak edəcək. Xatırladaq ki, Adelin 6 nominasiyada “Qremmi” mükafatı qazanan  son albomu “21” 10 milyon nüsxəylə satılaraq dünya musiqi tarixinə düşüb. Ulduz musiqi toplusuna daxil olan “Rolling in the Deep” , “Someone like you” və “Set Fire to the Rain” mahnıları ilə reytinq siyahılarında ilk sıralardan birini tutub.

    Avstraliyalı ulduz Kayli Minouq kinodakı karyerası uğruna musiqidən imtina edib. Bu sənayedən tamamilə uzaqlaşa bilmək üçün müğənni hətta 25 il bir yerdə çalışdığı meneceri Terri Blemlini də işdən azad edib. Ulduzun ilin əvvəlinə çıxarılacağı nəzərdə tutulan albomu da təxirə salınıb. Qeyd edək ki, Kayli Minouq 10 filmdə çəkilib.

 

Sahilə Aslanova

 

Muz-Tv.az