Məşhur duet ortaqları ayrıldı

Müğənnilər Firuzə İbadova və Cavanşir Məmmədov daha bir yerdə duet oxumayacaqlar. 

   Müğənnilər Firuzə İbadova və Cavanşir Məmmədov daha bir yerdə duet oxumayacaqlar. Cütlüyün hansı səbəbdən ayrıldıqları məlum deyil. Firuzə İbadovanın prodüseri Zümrüd Güləliqızı duet ortaqlarının dostcasına yollarını ayırdığını bildirib. O, vurğulayıb ki, bundan sonra sənətdə hərə öz yolu ilə davam edəcək.

   Əməkdar artist Almaz Ələsgərova sevgilisi haqqında danışıb. Müğənni: “Bəli, sevgilim var. Çox xoşbəxtəm. Məhəbbət yaşamaq üçün mənə stimul verir” –deyə etiraf edib. Sənətçi həmçinin evliliyi haqqında da danışıb. O, hələ ki, belə bir fikrinin olmadığını, amma bu barədə qəti danışmaq istəmədiyini söyləyib. Bundan əlavə, Ələkbərova bir oğlunun olmasını arzuladığını da sözlərinə əlavə edib.

   Müğənni İzzət Bağırov son vaxtlar hökm sürən susqunluğunu pozmaq niyyətindədir. İfaçı 10 yeni mahnı hazırlayır. O, əsərlərini ilk dəfə albomla birlikdə təqdim edəcək. İzzət musiqilərinin radiolarda səsləndiyi zaman oğurlandığını da iddia edib. Müğənninin yeni albomunda Gövhər Həsənzadə, Tunar Rəhmanoğlu, Hacı Nazim kimi bəstəkarların mahnıları yer alacaq. 

  İlhamə Qasımova Hindistan səfərini bitirərək vətənə geri dönüb. Sənətçi səfərini həm istirahətə, həm də yaradıcılıq axtarışına həsr edib. Əsasən Tac Mahalda olan İlhamə məşhur yerləri dolaşıb. Daha sonra hindistanlıların səsyazma studiyasında olub. Onların iş mexanizmi ilə tanış olan sənətçinin tezliklə hindistanlı musiqiçilərlə çalışacağı istisna deyil.  Repertuarını Avropanın nəbzini tutaraq hazırlayan sənətçı fərqlilik üçün daim axtarışdadır.

 

Sahilə Aslanova

 

Muz-Tv.az