“Destiny`s child” qrupu səhnəyə qayıdır

“Destiny`s child” qrupu yeni “Nuclear” mahnısını təqdim edib. Kompozisiya kollektivin uzun illərdən sonra ilk işidir və “Love songs” albomuna daxil ediləcək. 

    “Destiny`s child” qrupu yeni “Nuclear” mahnısını təqdim edib. Kompozisiya kollektivin uzun illərdən sonra ilk işidir və “Love songs” albomuna daxil ediləcək. Musiqi toplusunda qrupun bütün karyerası ərzində yazılan ən romantik mahnılar yer alacaq. Xatırladaq ki, “Destiny`s child” kollektivi 2004-cü ildən bəri fanatlarını yeni əsərlə sevindirməyib.

     Müğənni Demet Akalının işçilərindən və onların ailəsindən ibarət 50 nəfəri məşhur aparıcı Opra Vinfri kimi Avropaya apardığı məlum olub. Tətil üçün 30 min avro xərclədiyi söylənilən Akalının bu il də Kiprə üz tutduğu qeyd edilib. Onu da vurğulayaq ki, Vinfri də 1600 işçisini istirahətə aparmaq üçün 8.6 milyon dollar xərcləyib.

     Latın Amerikalı məşhur aktrisa Penelopa Krus və “Qremmi” mükafatı laureatı Migel Boze yeni “Decirnos Adios” adlı mahnılarını sevənlərinin ixtiyarına verib. Müğənni Krus haqqında: “Penelopanın ecazkar səsi var. o, mahnını bənzərsiz şəkildə oxuyub” –  deyib. Mahnıya çəkilən klip Madriddəki otellərin birində lentə alınıb.

     Rusiyanın Udmurtiya vilayətində “Buranovskie babuşki” qrupunun şərəfinə festival təşkil ediləcək. Bu barədə vilayətin rəhbəri Aleksandr Volkov məlumat verib. Onun sözlərinə görə, bu, xalq-folklor mərasimi olacaq. Festival elə Buranovo kəndində reallaşacaq. Volkovun fikrincə, bu tipli tədbirlər ölkənin mədəni dəyərlərini yaşatmağa xidmət edir. Mərasimin hər il keçirilməsi planlaşdırılır. Festivalın başlayacağı tarixi isə Rusiya Federasiyasının Mədəniyyət Nazirliyi açıqlayacaq.

 

Sahilə Aslanova

 

Muz-Tv.az