Gənc müğənninin ifası dünyaca məşhur alboma daxil edildi

Səsi bir çox xarici ölkələrdən gələn gənc müğənni Seyran İsmayılxanov yaradıcılığındakı yenilikləri tamaşaçılarımızla bölüşüb. 

    Səsi bir çox xarici ölkələrdən gələn gənc müğənni Seyran İsmayılxanov yaradıcılığındakı yenilikləri tamaşaçılarımızla bölüşüb. Kiçik yaşlarından musiqini sevdiyini söyləyən ifaçı bu sənətə gəlməsində ailəsinin rolunu xüsusilə vurğulayıb.

   Rusiyada təhsil alıb, Almaniyada fəaliyyət göstərən Seyran yaradıcılığına Türkiyədə davam edib. Səbəbini isə müğənni yerli şou-biznesi bəyənməməsi ilə izah edib. Seyran həmçinin Muz tv tamaşaçılarına yeni albom müjdəsini də verməyi unutmayıb. Ifaçınını sözlərinə görə, musiqi toplusuna 13 yerli və xarici mahnı daxil edilib.

   Özünün də musiqi bəstələdiyini vurğulayan Seyran həmçinin digər müğənnilər üçün də  əsərlər yazır. Onun  sözlərinə görə, mahnılarını yerli və xarici müğənnilər  tez-tez ifa edir. Söhbət əsnasında maraqlı bir fakt da məlum olub. Belə ki, ifaçı “Ay eşqim” adlı mahnısını məşhur Türk seriallarının birindən ilham alaraq bəstələyib.

   Qeyd edək ki, Seyran yay aylarında festivallara qatılıb, ingiliscə albom çıxarmağa hazırlaşır. Belə  ki, müğənninin bəstəkar Rauf Hacıyevə məxsus “Bahar sənsiz” mahnısı dünyaca məşhur “Babilon bar” musiqi toplusuna daxil edilib. Sözügedən albom 24 ölkədə satışa çıxarılacaq.

 

Sahilə Aslanova

Rüfət Qarayev

 

Muz-Tv.az