Demi Mur yeni sevgili tapdı

20-ci sənət  ilini qeyd edən Ebru Gündəş klassik əsərlərindən ibarət bir albom əvəzinə, yeni mahnılarını daxil etdiyi musiqi toplusu çıxarmaq qərarına gəlib.

   20-ci sənət  ilini qeyd edən Ebru Gündəş klassik əsərlərindən ibarət bir albom əvəzinə, yeni mahnılarını daxil etdiyi musiqi toplusu çıxarmaq qərarına gəlib. Bu barədə açıqlama verən Sərdar Ortaç sözügedən albomda öz mahnılarının da yer alacağını söyləyib. Müğənni: “Ebru səhnəyə çox yaraşan bir xanım, yaxşı dost və təkrarolunmaz insandır. Əsərlərimi oxuyacağına görə çox xoşbəxtəm” –deyib.

   50 yaşlı məşhur aktrisa Demi Mur özünə yeni sevgili tapıb. O, digər bir dünya ulduzu Lindsi Lohanın keçmiş məşuqu, 31 yaşlı Harri Mortondur. Şahidlərin sözlərinə görə, Nyu-York və Los-Ancelesdə gizlin görüşən cütlük birlikdə çox şən vaxt keçirir. Yeni sevgililər artıq bir neçə dəfə restoranlarda kameralara tuş gəlib. Məşhurlar hətta Murun malikanəsində də görünüblər.

   Türkiyəli məşhur rejissor və aktyor Yılmaz Erdoğanın çəkdiyi “Kəpənəyin yuxusu” filminin anonsu yayımlanıb. Çəkilişləri Zonquldak və İstanbulda reallaşan filmdə baş rolları Kıvanç Tatlıtuğ, Belçim Bilgin, Mert Fırat və Farah Zeynep Abdullah bölüşüb. 1941-ci ilin Türkiyəsini, ikinci dünya müharibəsi və mükəlləfiyyət günlərini əks etdirən film fevralın 22-də nümayiş ediləcək.

   “Alatoranlıq” silsilə filmlərinin ulduzları Robert Pattinson və Kristen Stüart bir dəfəlik ayrılıb. Qərb mətbuatının məlumatına görə, aktrisa sevgilisini “Qızıl Qlobus” mərasimində müşayət etmək üçün Los Ancelesə gəlib. Amma Pattinson Stüartın onu müşayiət etməsi fikrindən imtina edib və onların sadəcə dost olduqlarını bildirib. Cütlüyün yaxınlarını fikrincə, məşhur ulduz Kristenin bir il əvvəlki xəyanətini hələ də unutmayıb. Xatırladaq ki, keçən ilin yay aylarında Kristen Stüart bir filmdə çalışdığı 41 yaşlı rejissorla səmimi görülmüşdü.

 

Sahilə Aslanova

 

Muz-Tv.az