Yerli şou-biznesdə baş verənlər

“Dolu” filmi gürcü dilinə tərcümə olunub.  Bu barədə açıqlama verən millət vəkili, yazıçı Aqil Abbas bildirib ki,

    “Dolu” filmi gürcü dilinə tərcümə olunub.  Bu barədə açıqlama verən millət vəkili, yazıçı Aqil Abbas bildirib ki, müəllifi olduğu “Dolu” romanın motivləri əsasında çəkilən eyniadlı film gürcü dilində nümayiş olunacaq: “Film yanvarın 21-də Gürcüstanın məşhur kionoteatrlarından biri olan Ariamidə göstəriləcək. Bütün yaradıcı heyət ora dəvət olunub”. Aqil Abbas qeyd edib ki, filmin nümayişi Azərbaycan-Gürcüstan Mədəni Əlaqələr Assosiasiyasının təşkilatçılığı ilə reallaşacaq.

    Tanınmış müğənni Natavan Həbibi Yeni il şənliklərindən sonra efirlərdə görünmür. Onun yoxluğu bəzi şayiələrə səbəb olub. İddialara görə, ifaçının ürəyində problemlər var. Hazırda Moskva klinikalarından birində müalicə kursu keçir. Bu barədə danışan müğənni:  "Heç bir problem yoxdur. Bu, adi illik profilaktikadır. 2007-ci ildə əməliyyat olunarkən ürəyim dayanmışdı. Kislovodskda həkimlərin nəzarəti altında istirahət etdim. İndi Moskvada həkim müayinəsindən keçirəm. 10 gündən sonra Bakıda olacam"- deyib.

    “Youtube”-da təzəlikcə yerləşdirilməsinə baxmayaraq, Röyanın yeni mahnısı böyük marağa səbəb olub.  Pərəstişkarları tərəfindən sevilərək dinlənilən ifa izlənmə sayına görə artıq 10 000-i keçib. Mahnı "Günahsız günahım" adlanır.

    Müğənni Sevda Yahyayeva hind rejissoru Aşutoşu Qovarikerudan filmə çəkilmək təklifi alıb və bu dəvəti qəbul edib. “İmzaladığım müqavilənin şərtlərinə görə bu haqda heç bir yedə danışmaq haqqım yoxdur”- deyə Sevda məsələni şərh edib. Onu da bildirək ki, artıq müğənni hind dilində danışmağı öyrənir

 

Sahilə Aslanova

 

Muz-Tv.az