Müşfiq: “Mağaza, çay evi açın, film hazırlamayın”
Gülüş ustası Müşfiq Şahverdiyev dünən axşam "Spark" cizgi filminin təqdimatında iştirak edib.
Aktyor muztv.az-a müsahibəsində "Cinemazadeh" studiyasının rəhbərlik etdiyi yeni filmdə rol alacağını açıqlayıb:
“1 həftəyə yeni “Kəklikotu” filminin çəkilişlərinə başlayırıq. Filmdə müğənni Nigar Camal və İslam Mehrəliyev və mən baş rolu ifa edəcəyik. Bizimlə yanaşı bir çox tanınmış simalar iştirak edəcək. Möhtəşəm film olacağına inanıram, macəra doludur”.
“Tamaşaçı artıq keyfiyyətsiz iş qəbul etmir. Biz də çalışırıq yüksək səviyyədə işlər görək. İzləyici deməsin ki, “Bizim filmlərə baxanda ətim tökülür”. Keçmiş filmlərimiz çox gözəl idi, fasilə olduqdan sonra durğunluq yarandı. Ancaq artıq yeni filmlər çəkilir, çoxları uğursuz alınsa belə uğura doğru gedirik” deyən aktyor uğursuz hesab etdiyi filmlərdən də danışıb: “Mənim filmlərimə normal səviyyədə baxılıb. Biri birindən zəif ola bilər, amma hədəflərimiz böyükdür. 80 minlik baxışı biz uğur olaraq qəbul etmirik. Elə filmlər var ki, onlara 2-3 minlik baxış olmayıb. Allah onlara kömək olsun, tövsiyəm odur ki, yüz ölçüb bir biçsinlər. Kinoyla bərabər başqa iş fikirləşsinlər. Mağaza, çay evi açın, film hazırlamayın. Qoyduğunuz pulun bir faizi gəlmirsə, bu işi görmək mənasızdır. 100 min büdcə qoyulur, 1000 manat qazancı olmur”.
Aktyor yeni filmlər içərisində “Bozbash pictures” komandasının filmlərini uğurlu hesab etdiyini açıqlayıb.
Günel Əliyeva
Aktyor muztv.az-a müsahibəsində "Cinemazadeh" studiyasının rəhbərlik etdiyi yeni filmdə rol alacağını açıqlayıb:
“1 həftəyə yeni “Kəklikotu” filminin çəkilişlərinə başlayırıq. Filmdə müğənni Nigar Camal və İslam Mehrəliyev və mən baş rolu ifa edəcəyik. Bizimlə yanaşı bir çox tanınmış simalar iştirak edəcək. Möhtəşəm film olacağına inanıram, macəra doludur”.
“Tamaşaçı artıq keyfiyyətsiz iş qəbul etmir. Biz də çalışırıq yüksək səviyyədə işlər görək. İzləyici deməsin ki, “Bizim filmlərə baxanda ətim tökülür”. Keçmiş filmlərimiz çox gözəl idi, fasilə olduqdan sonra durğunluq yarandı. Ancaq artıq yeni filmlər çəkilir, çoxları uğursuz alınsa belə uğura doğru gedirik” deyən aktyor uğursuz hesab etdiyi filmlərdən də danışıb: “Mənim filmlərimə normal səviyyədə baxılıb. Biri birindən zəif ola bilər, amma hədəflərimiz böyükdür. 80 minlik baxışı biz uğur olaraq qəbul etmirik. Elə filmlər var ki, onlara 2-3 minlik baxış olmayıb. Allah onlara kömək olsun, tövsiyəm odur ki, yüz ölçüb bir biçsinlər. Kinoyla bərabər başqa iş fikirləşsinlər. Mağaza, çay evi açın, film hazırlamayın. Qoyduğunuz pulun bir faizi gəlmirsə, bu işi görmək mənasızdır. 100 min büdcə qoyulur, 1000 manat qazancı olmur”.
Aktyor yeni filmlər içərisində “Bozbash pictures” komandasının filmlərini uğurlu hesab etdiyini açıqlayıb.
Günel Əliyeva