Hacı Nuran xalq artistlərini təbrik etdi - foto

Aparıcı Hacı Nuran sosial şəbəkə vasitəsilə xalq artistləri, opera müğənniləri Fidan və Xuraman Qasımovanı təbrik edib.

Muztv.az xəbər verir ki, aparıcı İnstaqram səhifəsində bu gün doğum gününü qeyd edən Xuraman Qasımova ilə birgə çəkdirdiyi şəklini bölüşüb:

"Dünən Azərbaycan Respublikasının Prezidenti İlham Əliyev görkəmli opera müğənniləri, xalq artistləri Fidan və Xuraman Qasımovanı qəbul edib, dövlətimizin başçısı Azərbaycan musiqi mədəniyyətinin inkişafındakı xüsusi xidmətlərinə görə Fidan Qasımovanı “İstiqlal” ordeni ilə təltif edib. Prezident İlham Əliyev Fidan xanımı yubileyi münasibətilə təbrik edib, ona can sağlığı, yeni uğurlar arzulayıb. Mən də öz növbəmdə, həyatımın ən çətin dönəmlərində yanımda olan, mənə analıq qayğısı və diqqəti göstərən hər iki xanıma öz sevgimi bildirirəm. Fidan xanımı isə Azərbaycan dövlətinin ən yüksək ordenlərindən biri olan “İstiqlal” ordeni ilə təltif olunması münasibətilə ürəkdən təbrik edirəm. Allah hər iki xanıma bundan sonra da xalqımıza xidmət etmək üçün güc, qüvvə, can sağlığı versin. Ad günün mübarək".