Castin Biber yeni klipini təqdim etdi

Castin Biber yeni klipini təqdim edib. Video çarx Avstraliyada lentə alınıb. 

   Castin Biber yeni klipini təqdim edib. Video çarx Avstraliyada lentə alınıb. Ekran əsərində ulduzun konsertlərindən biri əks olunub. Castin gitarada “As long as you love me” mahnısını ifa edib. Yeni klipin təqdimatı barədə ulduz öz Twitter səhifəsində məlumat verib. Xatırladaq ki, Castin Biberin “Believe” adlı akustik albomu yanvarın 29-da heyranların ixtiyarına veriləcək. Diskdə ulduzun bütün mahnılarınını akustik versiyaları yer alacaq.

   Rusiyalı müğənni İrakli “Vsyo budet OK!” mahnısına çəkilən yeni klipini təqdim edib. Video çarxın rejissoru “Band`Eros” qrupunun üzvü Qarikdir. Bu ekran əsərində İrakli yeni imicdə sevənlərinin qarşısına çıxacaq. Belə ki, o, bu dəfə kişi köynəyi, gödəkçəsi və çəkmə ilə yanaşı qadın ətəyi də geyinəcək.

   Müğənni Castin Timberleyk yeni “The 20/20 Experience” adlı albomunu təqdim edəcək. Ulduzun bu musiqi toplusunun piar kampaniyasında geyinəcəyi bütün geyimləri modelyer Tom Ford hazırlayır.  Elə müğənninin yeni “Suit and Tie” adlı klipində də o, Ford imzalı qara smokinq istifadə edib. Castin bu dəfəki stilinin ənənəvi imicindən fərqlənəcəyini söyləyib.

   Britaniyalı “Muse” rok qrupu “Brit Awards” musiqi mükafatları mərasimində çıxış edəcək. Kollektivi yaradıcılıqları boyunca ilk dəfə simfonik orkestr və xorun müşayiət edəcəyi bildirilir. Musiqiçilər “Supremacy” sinqllarının yeni aranjemanını ifa etməyə hazırlaşır. Qeyd edək ki, “Muse” qrupu “Ən yaxşı britaniyalı qrup” və “Ən yaxşı konsert kollektivi” nominasiyalarında namizəd göstərilib. Rokçulardan başqa fevralın 20-də reallaşacaq mərasimdə Beyons, Robbi Uilyams və “One directions” kimi məşhurlar iştirak edəcək.

 

Sahilə Aslanova

 

Muz-Tv.az