Türkiyəli müğənni Dəniz Səki Röya Ayxan üçün mahnı yazır

Müğənni Röya Ayxan Türkiyə şou-biznesinə yeni qatılmasına baxmayaraq, qardaş ölkənin sənətçilərinin diqqətini çəkib. 

   Müğənni Röya Ayxan Türkiyə şou-biznesinə yeni qatılmasına baxmayaraq, qardaş ölkənin sənətçilərinin diqqətini çəkib. Belə ki, Türkiyənin tanınmış bəstəkar və müğənnisi Dəniz Səki Röyaya mahnı hazırlayır. O, bu barədə şəxsi Twitter səhifəsində: “Bu arada Röyama mahnı hazırlayıram” –deyə yazıb. Dəniz Səkinin paylaşdığı bu şərh sosial şəbəkədə maraqla qarşılanıb.

   Müğənni Əbdül Xalid və meyxanaçı Sadıqdan xəbər var. İki dost birləşərək birgə duet ifa edib. Bu barədə açıqlama verən sənətçilər yeni ərsəyə gətirdikləri “Atam icazə vermir” mahnısından və dostluqlarından söz açıblar. Cütlük sözügedən mahnıya klip çəkdirməyi də düşünür. “ “Atam icazə vermir” əsərinə yay ayında ekran həyatı verəciyik. Çünki adıçəkilən mahnının sözlərində yay abu-havası var. Klipin dəyərini isə iki dost olaraq aramızda böləcəyik” –deyə Xalid bildirib.

  Estrada müğənnisi Rüfət Axundov yeni bir layihə üzərində işləyir. O, sözləri İlhama, musiqisi isə Arif Səlimova aid “Yar” adlı mahnıya klip çəkdirib. Ekran əsərinin rejissoru Nail Naiboğludur. Video çarxın çəkilişlərində fotomodel Sabina iştirak edib. Klipin tezliklə bütün telekanallara təqdim olunacağı gözlənilir. 

   Rəqqasə Oksana Rəsulovanın, deyəsən, vətənə dönmək fikri yoxdur. Hindistanda aktyorluq məktəbində təhsil alan azərbaycanlı rəqqasə son vaxtlar onu izləyə bilməyən tamaşaçılarına səslənib. Ürək sözlərini video lentə yazdıran sənətçi onu internetdə paylaşıb. Rəqqasə dərslərinin uğurla davam etdiyini bildirib. Bakı üçün darıxsa da, təhsilinə önəm verən rəqqasə tezliklə tamaşaçıları təəccübləndirəcəyini bildirib.

   Tanınmış ustad Aşıq Rza Qobustanlının oğlu olan saz ustası Aşıq İslam 35 yaşında avtomobil qəzasında həlak olub.  Bir çox aşıq havalarının mahir ifaçısı olan sənətkar Azərbaycan Aşıqlar Birliyinin üzvü olub. Aşıq Islam Musiqi Akademiyasını bitirib. Muğamın sirlərini ustadı Arif  Babayevden menimseyib. O, bu gün doğulduğu Qobustan qəsəbəsində torpağa tapşırılıb.

 

Sahilə Aslanova

 

Muz-Tv.az