Elmira Ələkbərzadənin toy tarixi dəqiqləşdi

Müğənni Elmira Ələkbərzadə və 35 yaşlı Emil Əliyev verdikləri vədi yerinə yetirmək qərarına gəlib. 

   Müğənni Elmira Ələkbərzadə və 35 yaşlı Emil Əliyev verdikləri vədi yerinə yetirmək qərarına gəlib. Belə ki, ötən ilin noyabrın 3-də münasibətlərini rəsmiləşdirən cütlük toy edəcəklərini açıqlayıb. Onlar hətta mərasimin keçirilmə vaxtını da müəyyənləşdirib. Əməkdar artist və həyat yoldaşı fevralın 8-də dostlarını ətrafına toplayaraq təmtəraqlı toy edəcək.

   Bir müddət əvvəl  xala olan müğənni İradə İbrahimova bacısı Sonanın 2 aylıq körpəsinin şəklini sosial şəbəkədə paylaşıb. Sənətçi uşağın  fotosunun altına "Xala qurban olsun səni verən Allaha" sözlərini də yazıb.

   Ötən həftə yeni klipini təqdim edən tanınmış rəqqasə Fatimə Fətəliyeva Moskvaya yola düşüb. Onun sözlərinə görə, hələ bir neçə gün qonşu ölkədə olacaq. Məşhur xanımın Rusiyaya səfəri həm yaradıcılıq, həm də istirahət xarakteri daşıyır. Fatimə Moskvaya tək səfər etməyib. Belə ki, onunla birlikdə əməkdar artist Firuzə İbadova, müğənni Ramal İsrafilov, Valeh İsrafilov, Aşıq Samirə və rəqqasənin meneceri Aysel Məhəmməd də olub. 

   Tanınmış repçi Qaraqan yeni konsert proqramı ilə Rusiyanın paytaxtında çıxış edəcək. Moskvada reallaşacaq tədbir “Qısaqapanma” adlanır.  Konsert martın 24-ü paytaxtın ən böyük konsert zallarından biri olan “Moskva Hall”da keçiriləcək. Tədbirin qonağı repçi Nağd pul olacaq.

 

Sevda Məmmədova

Sahilə Aslanova

 

Muz-Tv.az