İntiqam və Ehtiram Rüstəmov konsert verməyə hazırlaşır

Öz “Tı kto takoy, Davay do svidaniya” adlı meyxanaları ilə Rusiya şou-biznesində məşhur olduqları qədər qalmaqallara da səbəb olan İntiqam və Ehtiram Rüstəmov qardaşları 

    Öz “Tı kto takoy, Davay do svidaniya” adlı meyxanaları ilə Rusiya şou-biznesində məşhur olduqları qədər qalmaqallara da səbəb olan İntiqam və Ehtiram Rüstəmov qardaşları Muz Tv kanalına üz tutaraq yeniliklərindən danışıblar. İfaçılar meyxana sənətinin çətinliyindən və ölkəmizi xaricdə tanıtmaqlarından söz açıblar.

    Rüstəmov qardaşları Rusiyanın birinci kanalının Azərbaycan mədəniyyəti haqqında sənədli film çəkdiyini və onları da bu ekran əsərində rol almaq üçün dəvət etdiklərini bildiriblər. Bundan əlavə, meyxanaçılar bir-birinin ardınca oxumağı planladıqları bir neçə duet barədə, xüsusilə xalq artisti Aygün Kazımova ilə nəzərdə tutduqları yeni layihələri haqqında ağızdolusu danışıblar.

    Qardaşlar həmçinin konsert proqramına da hazırlaşdıqlarını sözlərinə əlavə ediblər. Sənətçilər tədbirdən əldə edəcəkləri gəlirin gələcəyi barədə maraqlı bir faktı da açıqlayıblar. Qeyd edək ki, İntiqam və Ehtiram Rüstəmov qardaşları tezliklə janrlarında qeyri-adi yenilik edəcəklərini söyləyiblər.

                                            

Sahilə Aslanova

Rüfət Qarayev

 

Muz-Tv.az