Aktyor Eşton Katçerin sağlamlığında problemlər yarandı

saxlayıb. Amma Eştonun orqanizmi bu cür təcrübələrə davam gətirə bilməyib. “Mənim mədəaltı vəzim tamamilə sıradan çıxmışdı. Praktiki olaraq sağlamlığım təhlükə altında idi” –deyə Eşton məsələni şərh edib. 

   Hollivud ulduzu Eşton Katçer hazırda Stiv Cobsun həyatından bəhs edən “Cobs” filmində çəkilir. Aktyor mərhum milyarderi doğru canlandıra bilmək üçün nəinki onun yerişini, danışığını təqlid edib, hətta onun kimi meyvə pəhrizi də saxlayıb. Amma Eştonun orqanizmi bu cür təcrübələrə davam gətirə bilməyib. “Mənim mədəaltı vəzim tamamilə sıradan çıxmışdı. Praktiki olaraq sağlamlığım təhlükə altında idi” –deyə Eşton məsələni şərh edib.

   Rusiyalı müğənni Zemfiranın uzun müddətdir gözlənilən altıncı albomunun çıxış tarixi məlum olub. Musiqi toplusu fevralın 15-də, ifaçının turnesi çərçivəsindəki ilk konserti zamanı işıq üzü görəcək. Albomun adı və daxil edilən mahnıların sayı hələ məlum deyil . Zemfira qastrollarına hazırlıq mərhələsini Almaniyada yerləşən məşhur “Black Box Music” studiyasında keçirib. Xatırladaq ki, Zemfira son iki il ərzində yalnız iki mahnısını təqdim edib.

   Müğənni Erik Klepton demək olar ki, yeni albomu üzərindəki hazırlıqları bitirdiyini söyləyib. Musiqi toplusunun adı “Old Stock” adlanır və sənətçinin bütün diskoqrafiyası buraya daxil edilib.  Albomda Kleptonun ən məşhur mahnılarının kaver versiyaları və “Gotta Get Over”, “Every Little” adlı iki yeni əsərdən ibarət 12 trek yer alıb. Bundan başqa, musiqi toplusunda ulduzu məşhur müğənnilər müşayiət edib.  Onlar arasında Pol Makkartni, Stiv Uinvud kimi sənətçilər var. Albom martın 12-də sevənlərin ixtiyarına veriləcək.

   “Depeche Mode” qrupunun fevralda təqdim edilməsi gözlənilən “Heaven” adlı mahnısı internetdə yayılıb. Trek sosial şəbəkələrdən birində paylaşılıb. Qrupun prodüserinin məlumatına görə, sinql radiolarda səslənsə də, hələ satışa çıxarılmayıb. Sözügedən mahnı martın 26-da işıq üzü görəcək  “Delta Machine” adlı alboma daxil edilib. Musiqi toplusunun təqdimatından sonra “Depeche Mode” qrupu dünya turnesinə çıxacaq.

                                        

Sahilə Aslanova

 

Muz-Tv.az