“Gənclər Günü” ilə bağlı növbəti tədbir keçirildi

2 Fevral – “Gənclər günü” münasibətilə Gənclər və İdman Nazirliyi, eləcə də Azərbaycan Rəssamlar İttifaqının birgə təşkil etdiyi böyük bir  sərgi keçirilib. 

   2 Fevral – “Gənclər günü” münasibətilə Gənclər və İdman Nazirliyi, eləcə də Azərbaycan Rəssamlar İttifaqının birgə təşkil etdiyi böyük bir  sərgi keçirilib. 200-dən artıq gənc rəssamın əsərlərinin nümayiş olunduğu tədbir hər kəs tərəfindən böyük marağa səbəb olub.  Elə Rəssamlar İttifaqının sədri Fərhad Xəlilov da sərginin gənclərin həyatındakı sosial önəmindən danışıb.

  Fərhad bəy sərgidə iştirak edənlərin sayının ildən-ilə artdığını xüsusi ilə vurğulayıb. Onun fikrincə, bu, rəssamlıq sənətinin inkişafına böyük töhfə verə biləcək amildir. Sənətkar özünün xüsusilə bəyəndiyi rəsmlər haqqında danışmağı da unutmayıb.

   Qeyd edək ki, bu xüsusi günün gənclər arasında daha geniş şəkildə qeyd olunması məqsədilə təşkil edilən tədbirlər fevralın 2-də "Buta Palace"da keçirilən yaradıcı gənclərin mükafatlandırılması mərasimi ilə yekunlaşacaq.

 

Sahilə Aslanova

Elfaq Lələyev

 

Muz-Tv.az