Xalq artistimiz də Hindistana yola düşdü

Xalq artisti Səkinə İsmayılova Hindistana işgüzar səfərə gedib. Xarici ölkəyə getməzdən əvvəl xalq artisti bu barədə məlumat verərək, Dehlidə və Kəlküttədə 

   Xalq artisti Səkinə İsmayılova Hindistana işgüzar səfərə gedib. Xarici ölkəyə getməzdən əvvəl xalq artisti bu barədə məlumat verərək, Dehlidə və Kəlküttədə dünya musiqi festivalında çıxış edəcəyini bildirib. Qeyd edək ki, bu, Səkinə xanımın xarici ölkəyə ilk səfəri deyil. Belə ki, xalq artisti işgüzar səfərləri ilə demək olar ki, dünyanın dörd bir tərəfini gəzərək ölkəmizi layiqincə təmsil edib.

   Əməkdar artist Aybəniz Haşımovaəməliyyat olunub. Belə ki, müğənninin görmə qabiliyyətində problem yarandığından o, yerli özəl klinikaların birinə müraciət etməli olub. Sonda nəticə onu xeyli məmnun edib. Aybəniz Haşımova: \"Klinikaya böyük təşəkkür edirəm. Hər zaman mənə və mənim əziz dostlarıma dəstək olurlar. Xüsusilə həkimlərə minnətdaram. Bu gündən məni artıq eynəkdə görəcəksiniz”, - deyə açıqlama verib.

  Gənc müğənni Çingiz Mustafayevin gecə saatlarında döyüldüyü barədə xəbərlər yayılıb. Müğənninin naməlum şəxslər tərəfindən hücuma məruz qaldığı, hadisə nəticəsində Çingizin üzünə və bədəninin bir neçə yerinə zərbələr dəydiyi iddia edilib. İfaçıya yaxın olan mənbənin verdiyi məlumata görə, hadisə müğənninin maşınına minmək istədiyi zaman baş verib. Səbəb kimi bir neçə şəxsin müğənninin yanında olan xanımlardan birinə söz atması göstərilir. Məsələylə bağlı Çingiz Mustafayevin özü ilə əlaqə saxlamağa çalışılsa da heç bir nəticə əldə edilməyib. Müğənninin koordinatoru Zəhra Bədəlbəyli: “Çingizin dava xəbəri yalandır. Onun qolu hərdən çıxır. Çünki uşaqlıqdan qalan zərbədir” –deyə məlumat verib.

   Müğənni Nazənin tamaşaçıları təəccübləndirməyə çalışır. O, üç yaradıcı işini təqdim etməyə hazırlaşır. Sənətçi bunun üçün külli miqdarda pul da xərcləyib.
Bu barədə Nazəninin prodüseri Pərviz Fəqan məlumat verib: “Nazənin xanım dünya ulduzlarının repertuarına müraciət edəcək. O, ya Madonna, ya da digər bir məşhur ulduzun mahnılarını ingilis dilində ifa edəcək. Müğənni klassik bəstəkarlarımızın mahnılarından ibarət olan televiziya üçün solo konsert proqramıyla da çıxış edəcək. Konsertdə sənətçini dövlət simfonik orkestri müşayiət edəcək. Bütün bunlarla yanaşı, ifaçı caz janrında mahnı oxuyacaq”.

   Türkiyəli meqastar Tarkan yeni klipini hansı mahnıya çəkəcəyinə qərar verib.  Müğənni xalq artisti Aygün Kazımovanın repertuarından ifa etdiyi \"Nigaranam\" mahnısını ekranlaşdırmağı düşünür.

 

Sahilə Aslanova

 

Muz-Tv.az