Emin Ağalarov Los Ancelesdə konsert proqramı ilə çıxış edəcək
Fevralın 9-da ifaçı Emin Ağalarov Los Ancelesdə yerləşən “Viper Room” klubunda konsert verəcək.
Fevralın 9-da ifaçı Emin Ağalarov Los Ancelesdə yerləşən “Viper Room” klubunda konsert verəcək. Sənətçi Nyu Yorkda “After The Thunder” albomuna dəstək məqsədi ilə təşkil edilən konsertdən sonra yeni səhnələri fəth etmək qərarına gəlib. Qeyd edək ki, 1993-cü ildə əsası qoyulan “Viper Room” klubunun sahiblərindən biri məşhur aktyor Conni Deppdir.
Qalmaqalları ilə məşhur olan bolqar müğənni Azis ilə əməkdaşlıq edən prodüser mərkəzi “Eurovision-2013”-ün milli seçim turunun iştirakçısı Elvin Babazadəni müəllif hüquqlarını pozmaqda ittiham edib. Belə ki, müsabiqənin beşinci həftəsində müğənni Elvin Babazadə Azisin “Sen-Trope” mahnısını Azərbaycan dilində ifa edib. Iştirakçısının prodüseri Fərhad Köçərli bildirib ki, Azisin “Diapason records” prodüser mərkəzinin nümayəndələri Elvin Babazadə ilə əlaqə saxlayaraq onu müəllif hüquqlarını pozmaqda ittiham edib və təzminat tələbi irəli sürüblər. Əks təqdirdə məhkəməyə verəcəkləri ilə hədələyiblər. Prodüserin sözlərinə görə, Elvin Babazadə bu qalmaqal haqqında danışmaq istəmir və bunu özünü Azislə bir tutmaq istəməməsi ilə izah edir.
Məşhur şoumen, bəstəkar Murad Arif müğənni Ayaq Qasımov üçün mahnı bəstələyib. Bu barədə musiqiçi Facebook-dakı rəsmi səhifəsində məlumat verib. Onun sözlərinə görə, kompozisiya heç də asanlıqla ərsəyə gəlməyib. Murad əsər üzərində nə az, nə çox düz üç ildir çalışdığını və hər dəfə aranjeman olunan məhsulu bəyənmədiyini söyləyib. Bundan əlavə, bəstəkar mahnını mətnində çox dərin mövzuya toxunduqlarını da sözlərinə əlavə edib.
Müğənni Ramal İsrafilov duetlər siyahısını artırıb.Bu dəfə o qeyri-adi bir layihəyə imza atıb. Belə ki, hər zaman xanım həmkarları ilə duet oxuyan Ramal tərəf müqabili olaraq kiçik qardaşı Valehi seçib. Mahnını da adət etdiyimizin əksinə olaraq Ramal bəstələməyib. “Günahsız” adlı kompozisiyanın musiqisi Valeh İsrafilova, sözləri isə “Qala” qrupunun üzvü, son zamanlar bəstələri ilə məşhur olan Ceyhun Əliyevə məxsusdur. Qeyd edək ki, tezliklə mahnıya klip də çəkiləcək.
Sahilə Aslanova
Muz-Tv.az