Kıvanç Tatlıtuğ sevgilisindən ayrıldı
Kıvanç Tatlıtuğ ilə Azra Akının 11 ildir davam edən münasibətləri üçüncü dəfə bitib.
Kıvanç Tatlıtuğ ilə Azra Akının 11 ildir davam edən münasibətləri üçüncü dəfə bitib. Eyni agentlikdə işləyən məşhur cütlük ayrılıq qərarı aldıqlarını ortaq açıqlama ilə elan edib. Keçən həftə qrip xəstəliyinə görə xəstəxanaya yerləşdirilən modelin tək olması diqqətdən qaçmayıb. Ayrılmaları haqqında dedi-qodular yayılan sevgililər bu xəbəri yalanlasalar da, 2 gün əvvəl münasibətlərinə nöqtə qoymaq qərarına gəliblər.
Məşhur qalmaqallı rokçu Merilin Menson Saskatundakı konserti zamanı səhnədə huşunu itirib. Sənətçinin “Beautiful people” mahnısının ifası zamanı halı pisləşib və yerə yıxılıb. Daha sonra o, bir neçə dəfə ayağa qalxmağa çalışsa da, cəhdləri uğursuzluqla nəticələnib. Bütün bunlara baxmayaraq, qrup üzvləri ifaya davam edib. Onların sözlərinə görə, baş verənləri şounun bir parçası hesab ediblər. Daha sonra vəziyyətin ciddi olduğu anlaşılıb. Ulduzun prodüserinin fikrincə, musiqiçi qrip xəstəliyinin ağır formasına yoluxub. Ona konserti təxirə salmaq təklif edilsə də, qəti şəkildə imtina edib.
Rusiyalı R&B ifaçısı Dominik Coker “Proşay” mahnısına çəkilən yeni klipini təqdim edib. Trek Maksim Qorkinin eyniadlı şeiri əsasında yazılıb. Video çarxın çəkilişləri 2012-ci ilin noyabrında reallaşıb. Ekran əsərinin rejissour İrina Mironovadır. Dominik klipin çəkilişləri zamanı həddindən artıq yorulduqlarını bildirib. O, məşhur şairin sözlərinə yazılan mahnını ifa etməyin böyük risk olduğunu sözlərinə əlavə edib.
Britaniyalı “Muse” rok qrupu “Supremacy” adlı mahnısına çəkilən yeni klipi ilə heyranlarını sevindirib. Kompozisiya “The 2nd Law” albomunun çıxış mahnısıdır. Videoçarxın təqdimatı məşhur jurnallardan birinin rəsmi saytında reallaşıb. Qeyd edək ki, “Muse” qrupu fevralın 20-də Londonda keçiriləcək “BRIT Awards” mükafatlandırma mərasimində çıxış edəcək.
Fevralın sonunda türkiyəli müğənni Hadisənin yeni sinqlının işıq üzü görəcəyi gözlənilir. Bu dəfə təqdim olunacaq mahnı “Vüsal” adlanır. Sinqlını təntənəli şəkildə təqdim etməyə hazırlaşan Hadisə həyəcanlı olduğunu bildirib.
Amerika musiqi sənayesində böyük əhəmiyyətə malik olan “Grammy” mükafat mərasimində məşhur ulduzlar açıq-saçıq geyimlər geyinə bilməyəcək. Bu barədə tədbiri yayımlayan “GBS” kanalının yaydığı bəyanatda bildirilir: “Xahiş olunur ki, qapalı geyimlər geyinin. Həddindən artıq dekolte problem yaradır. Nalayiq ifadələrin yazıldığı futbolkalardan uzaq durmağa çalışın”. Los-Ancelesdə keçiriləcək 55-ci “Grammy” mərasimində ulduzlarla birgə tamaşaçılar da iştirak edəcək. Qeyd edək ki, “GBS”nin verdiyi bəyanat bəzi ulduzların heç də xoşuna gəlməyib.
Sahilə Aslanova
Muz-Tv.az