“Natiq ritm qrupu” dünya ulduzlarından biri ilə səhnəni paylaşacaq

Azərbaycanın məşhur “Natiq ritm qrupu” vətəni tərk edir. Musiqiçilər konsert proqramı ilə bir neçə ölkədə çıxış edəcək.  

     Azərbaycanın məşhur “Natiq ritm qrupu” vətəni tərk edir. Musiqiçilər konsert proqramı ilə bir neçə ölkədə çıxış edəcək. Qrupun bədii rəhbəri, əməkdar artist Natiq Şirinov Muz tv-yə açıqlamasında Mədəniyyət və Turizm Nazirliyinin dəstəyi ilə Hollandiyaya səfər edəcəklərini deyib.
    “Eurovision-2012” Mahnı müsabiqəsində Avropalıları heyrətə gətirən musiqiçilər növbəti səs-küylü səhnə şousuna hazırlaşır. Belə ki musiqi qrupu Azərbaycanda konsert proqramı ilə çıxış edəcək üç dünya ulduzundan biri ilə eyni səhnəni paylaşacaq.
    “Natiq ritm qrupu” uzun müddətdir arzusunda olduğu konsert proqramı ilə gələn il çıxış edəcək.  Yenilikləri sevən qrup meyxanaçı Namiq Qaraçuxurlu ilə də maraqlı layihəyə imza atacaq.

 

Səbinə Zöhrabqızı
Taleh Mahmudov

 

Muz-Tv.az