Siyavuş Kərimi: “Eşitdiyim ən mükəmməl musiqi ana laylası və körpə səsidir”

Xalq artisti, bəstəkar Siyavuş Kərimi  Muz life verilişinin qonağı olub. 

   Xalq artisti, bəstəkar Siyavuş Kərimi  Muz life verilişinin qonağı olub. Daim inkişafda olan Azərbaycan musiqisinin dinamikliyindən bəhs edən bəstəkar yaranan hər bir yeni əsərin əhəmiyyətindən danışıb. O, bildirib ki, peşəkar bəstə dinləyicini özünə cəlb etməyi bacarmalıdır.

   Bir çox beynəlxalq layihələrə imza atan xalq artistimiz yaradıcılığında heç vaxt fasilə vermədiyini söyləsə də, yeniliklərindən danışmaqdan çəkinib.Yeni fəaliyyət göstərən musiqi yazarları arasında heç bir fərq qoymadığını və hər birini dinlədiyini söyləyən Siyavuş bəy gənclərin özünə dərhal bəstəkar adı verməsinə də münasibət bildirməyi unutmayıb.

   Sənətkar yerli  şou-biznesimizdə  dünya arenasına çıxa biləcək potensialda bir çox müğənninin olduğunu vurğulayıb.Həyatındakı ən mükəmməl musiqinin ana laylası və körpə səsi olduğunu bildirən Siyavuş Kərimi mükəmməl əsər bəstələmək üçün təhsildən əvvəl istedadın olmasının vacib olduğunu deyib.

 

Xəyalə Əzizova

Sahilə Aslanova          

Elfaq Lələyev

 

Muz-Tv.az