Rihanna onu döyən sevgilisi ilə yenidən barışdı

Ötən payız Bakıda konsert vermiş başqa bir məşhur müğənni - Rihanna onu döyərək tanınmaz hala salmış keçmiş sevgilisi ilə nəinki barışıb, hatta onunla qol-boyun məhkəməyə də gəlib. 

   Ötən payız Bakıda konsert vermiş başqa bir məşhur müğənni - Rihanna onu döyərək tanınmaz hala salmış keçmiş sevgilisi ilə nəinki barışıb, hatta onunla qol-boyun məhkəməyə də gəlib. Məşhur repçi Kris Braunu Rihannanı döydüyünə görə verilmiş cəzanı lazımınca çəkmədiyinə görə məhkəməyə dəvət ediblər. Krisə 6 ay müddətində Virciniya ştatında süpürgəçilik etmək cəzası verilib. Məhkəmədə hakim bildirib ki, repçiyə yeni cəza verilməlidir və əgər o  Vircinyada küçə süpürməkdən utanırsa, indi bunu Los Ancelesin küçələrində etməli olacaq. Hakim həmçinin bildirib ki, son vaxtlar etdiyi hərəkətlər Braunun hələ də islah olmadığını göstərir. Xatırladaq ki, yanvarın 27-də “Amerika Bu Səhər” televizya şousunda ondan Rihannanı niyə döyməsi barədə soruşulanda canlı efirdə stulu çırparaq şüşələri sındırıb.

   Türkiyənin ən populyar serialına çevrilmiş \"Muhteşem yüzyıl\" serialında iki məşhur aktrisa arasındakı münasibətlər hədsiz gərginləşib. Səbəb isə indiki və sabiq eşq münasibətləridir. Serialda Şah Sultan rolunu oynayan atkrisa Deniz Çakırın sevgilisi İbrahim Çelikkolun iki il əvvəl aktrisa Meryem Üzerli ilə eşq yaşadığı üzə çıxıb. Meryem Üzerli serialda Hürrem Sultan rolunu oynayır. Üzerli və Çelikkol bir müddət sevgili olandan sonra ayrılıblar. Deniz Çakır bundan indi xəbər tutub. Bu yaxınlarda toyları olacağı deyilən Deniz Çakır və İbrahim Çelikkolun indi bir-birləri ilə danışmadıqları deyilir.

   Amerikalı müğənni Toni Brekston səhnədən getmək qərarına gəlib. Karyerası ərzində 8 “Qremmi” mükafatının sahibi olan  ulduz 66 milyon albomunun satılmasına nail olub. Bü gün də hit olan “Un break my heart” mahnısı Brekstonun yaradıcılığının zirvə nöqtəsi olub. Müğənni bir müsahibəsində artıq istirahət etmək istədiyini və digər işləri ilə məşğul olacağını bildirib. “Musiqiyə qarşı sevgim qalmayıb. Bəlkə də bu, orta yaş böhranıdır, amma daha əvvəlki kimi hiss etmirəm” –deyə ulduz məsələni şərh edib.

   Amerikalı aktyor Leonardo di Kaprio yeni sevgilisi ilə görülüb. Mayamidə tətildə olan məşhur ulduz qaldığı otelin eyvanında kosovalı gözəl Aferdita Dreşai ilə birlikdə kamerala tuş gəlib. Bundan əvvəl braziliyalı model Gizel Bundhen, israilli Bar Rafaelli ilə birlikdə olan Di Kaprio axırıncı sevgilisi Erin Hizertondan  keçən il ayrılıb.

   Məşhur müğənni Meray Kerri “Oz: Dahi və Çirkin” filmi üçün soundtrek bəstələyib. Kompozisiya “Almost home” adlanır. Mahnı fevralın 19-da təqdim ediləcək. Hətta bu əsərə  klip də çəkiləməsi gözlənilir. Video çarxın rejissoru Devid Laşapel olacaq. Ekran əsərində filmdən kadrlar yer alacaq. Qeyd edək ki, martın 7-də təqdimatı gözlənilən filmin baş rolunda Ceyms Franko çıxış edib.

 

Sahilə Aslanova

 

Muz-Tv.az