Yerli müğənnilərdən yeniliklər
Faiq Ağayev sözləri tanınmış klipmeyker Kənan M.M.-ə məxsus olan sözlərə mahnı yazır.
Faiq Ağayev sözləri tanınmış klipmeyker Kənan M.M.-ə məxsus olan sözlərə mahnı yazır. Müğənninin sözlərinə görə, "Birisi" adlı bəstənin musiqisi Nailə Mirməmmədliyə məxsusdur. "Kənan şeirləri klip çəkilişindən pis yazmır. Bu, yerli şou-biznesdə çoxdan məlumdur. Əgər keyfiyyətli musiqini keyfiyyətli sözlər də tamamlayırsa, niyə bunu oxumayım?" – deyə ifaçı bildirib
“Star” TV-də yayımlanan “Yetenek sizsiniz” verilişinin azərbaycanlı iştirakçıları jüriləri heyran edib. “Nato” adlı rep qrupunun səhnə şousunu münsiflər kürsüsündə oturan aparıcı Acun, müğənni Hülya Avşar və futbolçu Sergen Yalçın maraqla izləyib. Hətta onlar “bu, əsl final şousu idi” deyərək, qrupu tərifləyiblər. “Nato”nun çıxışında ən maraqlı anlardan biri də səhnədə Bakı ilə bağlı çarxın nümayiş edilməsi olub. Azərbaycanlı reperlər 82 faiz səs toplayaraq, finala vəsiqə qazanıblar.
Hazırda Moskvada olan Üzeyir Mehdizadə Rəqsanə İsmayılovanın qonağıdır. Müğənni həmkarı ilə duet oxuyacağını bildirib. Rəqsanənin dediyinə görə, onların birgə işi bu tipli digər layihələrdən xeyli fərqlənəcək. o, duetlərinin bir çoxlarını təəccübləndirəcəyini də sözlərinə əlavə edib.
Məşhur "Tı kto takoy, davay do svidaniya” meyxanasının müəllifləri olan İntiqam və Ehtiram Rüstəmov qardaşları Rusiya şou-biznesində məşhurlaşmaq üçün yerli müğənnilərə yardım göstərmək niyyətindədirlər.
Onlar bildiriblər ki, yalnız seçilmiş müğənniləri rusiyalı tamaşaçılara təqdim edəcəklər. Meyxanaçılar rus dilində oxuya biləcək müğənni axtarırlar. "Biz həmin ifaçı ilə Rusiyaya gedəcəyik və telekanalların efirinə çıxacağıq ki, ruslar da bizdə necə sənətçilərin olduğunu bilsinlər", - deyə qardaşlar əlavə edib. Rüstəmov qardaşları həmişə onların arxalarınca danışan həmkarlarına da xəbərdarlıq ediblər və deyiblər ki, tezliklə onları efirdə biabır edəcəklər.
Müğənni Günay İbrahimli ad gününü qeyd edib. 22 yaşı tamam olan müğənni ifaçı hədiyyə yağışına tutulub. Ən böyük hədiyyəni isə ona prodüseri Təranə Səmədova bağışlayıb. Belə ki, o, Günayın səsini sığortalayıb.Ad günündən əvvəl yeni fotosessiya etdirən müğənni yeni yaşını dostlarının əhatəsində qeyd edib.
Türkiyənin məşhur “Adını Feriha Koydum” serialında Hande rolunu oynayan aktrisa Ceyda Ateş Bakıya gəlib.Ceyda yerli klinikaların birinin dəvəti ilə paytaxtımıza təşrif buyurub.
Sevda Məmmədova
Muz-Tv.az