Elton xanımı ilə fotosunu paylaşaraq: “Bu, son deməkdir” - foto 

Müğənni Elton Hüseynəliyev sosial şəbəkədə xanımı Tamilla Hüseynəliyeva ilə fotosunu bölüşərək izləyicilərinin marağına səbəb olan şərh yazıb.

Muztv.az xəbər verir ki, ifaçı təmənnasız sevginin sirlərinindən danışıb:

“Təmənnasız sevmək və sevilmək doğmalıq və saflıqdan gəlir. İkinci halda isə təmənnasız sevgi Allah rizası üçün olur. Üçüncü hal isə təmənnalıqdır artıq, burda sevmək kimi görsənsə də, əslində o adam özünü sevir. Çünki təmənna ilə sevirəm deyən insan yalan deyir. O insan özündən başqa kimisə sevə bilməz və qarşı tərəfdən də səmimi sevilə bilməz. Bir sözlə, saf və təbii olan insanlar sevirlər. Süni və yaltaq insan sevgi kimi dəyərli hissin haqqını verə bilməz. Ona görə də belə insanlar artıq yaşayarkən ölmüş sayılırlar, bu isə son deməkdir. Allah sonumuzu xeyir eləsin. Rəbbim bizlərə bir-birimizi təmənnasız, saf duyğularla ürəkdən sevməyi nəsib eləsin”