Castin Biberle görüşmək istəyənlər 2 min lirələrindən keçməli olacaq

Amerikalı ulduz Castin Biber mayın 2-də Türkiyədə konsert verməyə hazırlaşır. Təşkilatçı kompaniya gənc müğənni ilə görüşmək istəyən heyranları üçün xüsusi bir tanışlıq paketi yaradıb.

    Amerikalı ulduz Castin Biber mayın 2-də Türkiyədə konsert verməyə hazırlaşır. Təşkilatçı kompaniya gənc müğənni ilə görüşmək istəyən heyranları üçün xüsusi bir tanışlıq paketi yaradıb.  Belə ki, sənətçi ilə görüşüb onunla söhbət etmək və üstəlik şəkil çəkdirmək üçün fanatlar 2 min 750 lirə ödəməli olacaq. “Diamond circle”adlanan kateqoriyaya isə erkən daxil olma bileti, Biberlə tanışlıq və şəkil çəkdirmək, imzalı albom əlavə edilib. “VİP fan paketi”-ndə  bir ədəd Castin hədiyyə bağlaması, tur proqramı, ulduzun xüsusi yaxa kartı və boyunluğu, bir ədəd xatirə konsert bileti var.

    Məşhur türkiyəli müğənni Əmrə Altuğ və həyat yoldaşı Çağla Şikəl boşanma xəbərlərinə üsyan edib. Ifaçı verəcəyi konsertdən əvvəl mətbuat konfransı keçirərək ayrılıq dedi-qodularını yalanlayıb. Əmrə Altuğ: “Biz yazılan bu çirkin xəbərlərə son nöqtəni qoymuşuq. Amma keçən gün yenidən eyni məlumat yayılıb. Bizi ayırmağa çalışırlar. Buna nail ola bilməyəcəklər”- deyərək dedi-qoduları yayanlara etirazını bildirib.

    “Harris İnteractive” kompaniyası amerikalılar arasında ən yaxşı sevgi mahnısını seçmək üçün sorğu keçirib. Araşdırmanın nəticəsində Amerikanın bu ali hisslər haqqında ən gözəl əsər olaraq Uitni Hyustonun “I Will Always Love You” mahnısını seçdiyi məlum olub. Sözügedən əsəri ölkənin 38%-i bəyənib. Sorğuda iştirak edənlərə seçmək üçün 40 mahnı təqdim edilib. Ən romantik əsərlərin ilk beşliyində “Unchained Melody”, “Rayçes brazers” dueti, Persi Sledcin “When a Man Loves a Woman”, Co Kokerin “You Are So Beautiful” mahnısı, həmçinin “Bi Ciis” qrupunun “How Deep Is Your Love” kompozisiyası yer alıb.

     Məşhur britaniyalı repçi Eminem 2013-cü ildə yeni albomunu təqdim etməyə hazırlaşır.  Ulduzun prodüserinin sözlərinə görə, ifaçı  musiqi toplusunu üzərində uzun müddətdir çalışır. Albomun çıxış tarixi hələ açıqlanmır. Sözügedən musiqi toplusu Eminemin diskoqrafiyasında sayca 8-ci olacaq. Repçinin son albomu 10 il əvvəl “Recovery” adı altında təqdim edilib.

 

Sahilə Aslanova

 

Muz-Tv.az